সেৱাৰ চৰ্তাৱলী
অন্য ভাষাসমূহত সেৱাৰ চৰ্তাৱলী চাওক: English, অসমীয়া, ગુજરાતી, ಕನ್ನಡ, മലയാളം, मराठी, ଓଡ଼ିଆ, ਪੰਜਾਬੀ, தமிழ், తెలుగు আৰু हिन्दी
এই চৰ্তাৱলীত কি আছে?
আমি আমাৰ সেৱাৰ চৰ্তাৱলী (চৰ্তাৱলী)ত কৰা কিছুমান গুৰুত্বপূৰ্ণ আপডে’টৰ বিষয়ে আপুনি বুজি পোৱাত সহায় হ’বলৈ এই ইণ্ডেক্সটো ডিজাইন কৰা হৈছে। আমি আশা কৰোঁ যে এইটোৱে যেন এটা সহায়ক নিৰ্দেশনা হিচাপে কাম কৰে, কিন্তু অনুগ্ৰহ কৰি আপুনি চৰ্তসমূহ সম্পূৰ্ণৰূপে পঢ়াটো নিশ্চিত কৰক।
YouTubeলৈ স্বাগতম!
এই শাখাটোৱে আপোনাৰ সৈতে থকা আমাৰ সম্পৰ্কক দেখুৱায়। ই আমাৰ সেৱাটোৰ এটা বিৱৰণ অন্তৰ্ভুক্ত কৰে, আমাৰ চুক্তি সংজ্ঞায়িত কৰে আৰু আপোনাৰ সেৱা প্ৰদানকাৰীৰ নাম ৰাখে।
সেৱাটো কোনে ব্যৱহাৰ কৰিব পাৰে?
এই শাখাটোৱে সেৱাটো ব্যৱহাৰৰ বাবে নিৰ্দিষ্ট কিছুমান আৱশ্যকতা বান্ধি দিয়ে আৰু ব্যৱহাৰকাৰীৰ বিভাগ সংজ্ঞায়িত কৰে।
আপুনি কৰা সেৱাটোৰ ব্যৱহাৰ
এই শাখাটোৱে আপুনি এই সেৱাটো ব্যৱহাৰ কৰিবলৈ থকা অধিকাৰ আৰু আপুনি সেৱাটো ব্যৱহাৰ কৰোঁতে প্ৰযোজ্য চৰ্তৰ ব্যাখ্যা আগবঢ়ায়। ই লগতে আমি সেৱাটোত কিদৰে সালসলনি কৰিব পাৰোঁ তাৰো ব্যাখ্যা আগবঢ়ায়।
আপোনাৰ সমল আৰু আচৰণ
এই শাখাটো সেইসকল ব্যৱহাৰকাৰীৰ ক্ষেত্ৰত প্ৰযোজ্য যিসকলে সেৱাটোৰ বাবে সমল প্ৰদান কৰিছে। ই আপোনাৰ সমল আপল’ড কৰি আপুনি প্ৰদান কৰা অনুমতিসমূহৰ পৰিসৰ সংজ্ঞায়িত কৰে আৰু অন্য কোনো লোকৰ অধিকাৰ উলংঘন কৰা কোনো সমল আপল’ড নকৰে বুলি থকা আপোনাৰ চুক্তিখন অন্তৰ্ভুক্ত কৰে।
একাউণ্ট নিলম্বন আৰু বন্ধ কৰা
এই শাখাটোৱে আপুনি আৰু YouTubeএ এই সম্পৰ্কটো কিদৰে বিচ্ছেদ কৰিব পাৰে তাৰ ব্যাখ্যা আগবঢ়ায়।
সেৱাটোত ব্যৱহৃত ছফ্টৱেৰৰ বিষয়ে
এই শাখাটোৱে সেৱাটোত থকা ছফ্টৱেৰৰ সবিশেষ অন্তৰ্ভুক্ত কৰে।
অন্যান্য আইনী চৰ্ত
এই শাখাটোত আপোনাৰ প্ৰতি থকা আমাৰ সেৱাৰ অংগীকাৰ অন্তৰ্ভুক্ত। ই লগতে ব্যাখ্যা আগবঢ়ায় যে আমি দায়বদ্ধ নোহোৱা কিছুমান বস্তুও আছে।
এই চুক্তিখনৰ বিষয়ে
এই শাখাটোত আমাৰ চুক্তিখনৰ বিষয়ে থকা আৰু কিছুমান গুৰুত্বপূৰ্ণ বিৱৰণ অন্তৰ্ভুক্ত, য’ত আমি এই চৰ্তাৱলীত সালসলনি কৰিবলগীয়া হ’লে কি আশা কৰিব পাৰোঁ; অথবা তাত কি আইন প্ৰযোজ্য হয় সেয়া অন্তৰ্ভুক্ত।
সেৱাৰ চৰ্তাৱলী
তাৰিখ: 5 জানুৱাৰী, 2022
সেৱাৰ চৰ্তাৱলী
YouTubeলৈ স্বাগতম!
পাতনি
YouTube আৰু প্লেটফৰ্মটোৰ আপোনালৈ উপলব্ধ কৰোৱা প্ৰ’ডাক্ট, সেৱা আৰু সুবিধা (সামগ্ৰিকভাৱে “সেৱা”) ব্যৱহাৰ কৰাৰ বাবে আপোনাক ধন্যবাদ।
আমাৰ সেৱা
সেৱাটোৱে আপোনাক ভিডিঅ’ আৰু অন্য সমল সন্ধান কৰিবলৈ, চাবলৈ আৰু শ্বেয়াৰ কৰিবলৈ দিয়ে, লোকসকলক সংযুক্ত হ’বলৈ, অৱগত কৰিবলৈ আৰু সমগ্ৰ পৃথিৱীৰ অন্য লোকক অনুপ্ৰাণিত কৰিবলৈ এখন মঞ্চ প্ৰদান কৰে আৰু মূল সমল সৃষ্টিকৰ্তা আৰু ডাঙৰ-সৰু আটাইবোৰ বিজ্ঞাপনদাতাৰ বাবে বিতৰণৰ প্লেটফৰ্ম হিচাপে কাম কৰে। আমি আমাৰ প্ৰ’ডাক্টৰ বিষয়ে আৰু সেয়া কেনেকৈ ব্যৱহাৰ কৰিব লাগে সেই বিষয়ে আমাৰ সহায় কেন্দ্ৰত ভালেখিনি তথ্য প্ৰদান কৰোঁ। অন্য বিষয়ৰ লগতে আপুনি YouTube Kids, YouTube Partner Program আৰু YouTubeৰ মাচুল পৰিশোধ কৰিবলগীয়া মেম্বাৰশ্বিপ আৰু ক্ৰয় (য’ত উপলব্ধ) সম্পৰ্কে জানিব পাৰে। আপুনি লগতে আপোনাৰ টিভি, আপোনাৰ গে’ম কনছ’লৰ দৰে অন্য ডিভাইচত অথবা Google Homeত সমল উপভোগ কৰাৰ বিষয়ে আটাইখিনি কথা পঢ়িব পাৰে।
আপোনাৰ সেৱা প্ৰদানকাৰী
সেৱাটো প্ৰদান কৰা প্ৰতিষ্ঠানটো হৈছে Google LLC, যিটো হৈছে 1600 Amphitheatre Parkway, Mountain View, CA 94043ত অৱস্থিত ডেলাৱেৰৰ আইনৰ অধীনত সঞ্চালিত এটা কোম্পানী (যাক “YouTube”, “আমি”, “আমাক” অথবা “আমাৰ” হিচাপে উল্লেখ কৰা হৈছে)। এই চৰ্তাৱলীত থকা YouTubeৰ “শাখা”ৰ উল্লেখে Alphabet Inc. কৰ্প’ৰেট গোটৰ ভিতৰত থকা (এতিয়াৰ অথবা ভৱিষ্যতৰ) অন্য কোম্পানীক বুজায়।
প্ৰযোজ্য চৰ্ত
আপুনি কৰা সেৱাটোৰ ব্যৱহাৰ এই চৰ্তাৱলী, YouTubeৰ সম্প্ৰদায়ৰ নিৰ্দেশাৱলী আৰু নীতি, সুৰক্ষা আৰু স্বত্বাধিকাৰ সম্পৰ্কীয় নীতিৰ অধীন যিবোৰ সময়ে সময়ে আপডে’ট কৰা হ’ব পাৰে (একেলগে এইখন "চুক্তি")। আমাৰ সৈতে থকা আপোনাৰ চুক্তিখনত লগতে YouTubeত বিজ্ঞাপন দেখুওৱাৰ লগত জড়িত নীতি অন্তৰ্ভুক্ত হ’ব যদিহে আপুনি সেৱাটোক বিজ্ঞাপন অথবা স্পনছ’ৰশ্বিপ প্ৰদান কৰে অথবা আপোনাৰ সমলত মাচুল প্ৰযোজ্য প্ৰচাৰ অন্তৰ্ভুক্ত কৰে। এই চৰ্তাৱলীত প্ৰদান কৰা অন্য কোনো লিংক অথবা প্ৰসংগ কেৱল তথ্যমূলক ব্যৱহাৰৰ বাবেহে আৰু সেয়া চুক্তিখনৰ অংশ নহয়।
অনুগ্ৰহ কৰি এই চুক্তিখন সাৱধানে পঢ়ক আৰু আপুনি এইখন বুজি পোৱাটো নিশ্চিত কৰক। আপুনি যদি চুক্তিখন বুজি নাপায় অথবা ইয়াৰ কোনো অংশ গ্ৰহণ নকৰে, তেন্তে আপুনি সেৱাটো ব্যৱহাৰ নকৰিব পাৰে।
এই চুক্তিখন গ্ৰহণ কৰি, আপুনি নিশ্চিত কৰে যে আপুনি ১৮ বছৰ অথবা তাতকৈ অধিক বয়সৰ আৰু এই চুক্তি কৰিবলৈ আৰু এই চুক্তিখন পালন কৰিবলৈ আৰু মানি চলিবলৈ সম্পূৰ্ণৰূপে যোগ্য। যদি আপুনি ১৮ বছৰতকৈ কম বয়সৰ হয়, তেন্তে তলৰ প্ৰতিবন্ধকতা আৰু আৱশ্যকতাসমূহ প্ৰযোজ্য।
সেৱাটো কোনে ব্যৱহাৰ কৰিব পাৰে?
বয়সৰ আৱশ্যকতা
সেৱাটো ব্যৱহাৰ কৰিবলৈ হ’লে আপোনাৰ বয়স অতি কমেও ১৩ বছৰ হ’বই লাগিব; অৱশ্যে, যিকোনো বয়সৰ শিশুৱে এই সেৱাটো আৰু YouTube Kids ব্যৱহাৰ কৰিব পাৰে (য’ত উপলব্ধ) যদিহে সেয়া আইনগতভাৱে বৈধ কোনো অভিভাৱকে সক্ষম কৰে।
অভিভাৱকৰ অনুমতি
যদি আপোনাক আপোনাৰ দেশত নাবালক হিচাপে গণ্য কৰা হয়, সেৱাটো ব্যৱহাৰ কৰিবলৈ আপুনি আপোনাৰ অভিভাৱক অথবা বৈধ অভিভাৱকৰ পৰা অনুমতি গ্ৰহণ কৰা বুলি প্ৰতিনিধিত্ব কৰে। অনুগ্ৰহ কৰি তেওঁলোকক আপোনাৰ সৈতে এই চুক্তিখন পঢ়িবলৈ দিয়ক।
যদি আপুনি আপোনাৰ দেশত নাবালকৰ আইনগতভাৱে বৈধ অভিভাৱক, আপোনাৰ শিশুটিক সেৱাটো ব্যৱহাৰ কৰাৰ অনুমতি দি, আপুনি এই চুক্তিখনৰ চৰ্তাৱলীৰ অধীন হোৱাৰ লগতে সেৱাটোত আপোনাৰ শিশুৱে কৰা কাৰ্যকলাপৰ বাবে দায়বদ্ধ হয়। YouTubeত আপোনাৰ পৰিয়ালে লাভ কৰা অভিজ্ঞতা (১৩ বছৰৰ তলৰ কোনো শিশুক সেৱাটো আৰু YouTube Kids ব্যৱহাৰ কৰিব পৰা কৰাকে ধৰি) পৰিচালনা কৰিবলৈ আপুনি আমাৰ সহায় কেন্দ্ৰত আৰু Googleৰ Family Linkৰ জৰিয়তে আপোনাৰ সহায় হ’ব পৰা সঁজুলি আৰু উৎস বিচাৰিব পাৰে।
ব্যৱসায়
আপুনি যদি কোনো কোম্পানী অথবা প্ৰতিষ্ঠানৰ হৈ সেৱাটো ব্যৱহাৰ কৰি আছে, তেন্তে আপুনি প্ৰতিনিধিত্ব কৰে যে সেই প্ৰতিষ্ঠানটোৰ হৈ কাম কৰিবলৈ আপোনাৰ কৰ্তৃত্ব আছে আৰু তেনে প্ৰতিষ্ঠানে এই চুক্তিখন গ্ৰহণ কৰে।
আপুনি কৰা সেৱাটোৰ ব্যৱহাৰ
সেৱাটোত থকা সমল
সেৱাটোৰ সমলত ভিডিঅ’, অডিঅ’ (উদাহৰণস্বৰূপে, সংগীত আৰু অন্য ধ্বনি), গ্ৰাফিক্স, ফট’, পাঠ (যেনে- মন্তব্য আৰু স্ক্ৰিপ্ট), ব্ৰেণ্ডিং (য’ত ব্যৱসায়ৰ নাম, ট্ৰে’ডমাৰ্ক, সেৱাৰ চিহ্ন অথবা ল’গ’ অন্তৰ্ভুক্ত), ভাব-বিনিময়কাৰী সুবিধা, ছফ্টৱেৰ, মেট্ৰিক্স আৰু অন্য সামগ্ৰী (সামগ্ৰিকভাৱে "সমল”) অন্তৰ্ভুক্ত।
সমলটোৰ বাবে সেইগৰাকী ব্যক্তি অথবা সেইটো প্ৰতিষ্ঠান দায়বদ্ধ যিয়ে সেৱাটোক সেয়া প্ৰদান কৰে। সমল হ’ষ্ট অথবা পৰিৱেশন কৰিবলৈ YouTubeৰ কোনো বাধ্যবাধকতা নাই। আপুনি যদি কোনো সমলে সম্প্ৰদায়ৰ নিৰ্দেশনাৱলী অথবা আইন উলংঘন কৰাকে ধৰি অন্য কোনো ধৰণে এই চুক্তিখন মানি চলা নাই বুলি বিশ্বাস কৰে, আপুনি আমাক তাৰ অভিযোগ দিব পাৰে।
Googleৰ একাউণ্ট আৰু YouTube চেনেল
আপুনি সেৱাটো আংশিকভাৱে ব্যৱহাৰ কৰিব পাৰে, যেনে- Google একাউণ্ট নথকাকৈ সমল ব্ৰাউজ কৰা আৰু সন্ধান কৰা। অৱশ্যে, কিছুমান সুবিধা ব্যৱহাৰ কৰিবলৈ আপোনাক Google একাউণ্টৰ প্ৰয়োজন হয়। Google একাউণ্টৰ জৰিয়তে আপুনি ভিডিঅ’ লাইক কৰিব পাৰে, চেনেল ছাবস্ক্ৰাইব কৰিব পাৰে, নিজৰ YouTube চেনেল সৃষ্টি কৰিব পাৰে আৰু লগতে বহুতো কাৰ্য কৰিব পাৰে। Google একাউণ্ট সৃষ্টি কৰিবলৈ আপুনি এই নিৰ্দেশনাসমূহ অনুসৰণ কৰিব পাৰে।
YouTube চেনেল সৃষ্টি কৰাটোৱে আপোনাক অতিৰিক্ত সুবিধা আৰু ফাংশ্বনৰ এক্সেছ প্ৰদান কৰিব, যেনে- ভিডিঅ’ আপল’ড কৰা, মন্তব্য কৰা অথবা প্লে’লিষ্ট সৃষ্টি কৰা (য’ত উপলব্ধ)। এয়া হৈছে কেনেকৈ নিজৰ YouTube চেনেল সৃষ্টি কৰিব লাগে সেই বিষয়ক কিছুমান সবিশেষ।
আপোনাৰ Google একাউণ্টটো সুৰক্ষিত কৰি ৰাখিবলৈ আপোনাৰ পাছৱৰ্ডটো গোপন কৰি ৰাখক। আপুনি তৃতীয় পক্ষৰ এপ্লিকেশ্বনত আপোনাৰ Google একাউণ্টৰ পাছৱৰ্ডটো পুনৰ ব্যৱহাৰ কৰিব নালাগে। আপোনাৰ Google একাউণ্টটো সুৰক্ষিত কৰি ৰখাৰ বিষয়ে অধিক জানক, য’ত আপুনি আপোনাৰ পাছৱৰ্ড অথবা Google একাউণ্টটো কৰ্তৃত্বহীনভাৱে ব্যৱহাৰ কৰা হোৱা বুলি গম পালে কি কৰিব লাগে সেয়াও অন্তৰ্ভুক্ত।
আপোনাৰ তথ্য
আমাৰ গোপনীয়তাৰ নীতিয়ে আমি আপোনাৰ ব্যক্তিগত ডেটাক কি দৃষ্টিৰে চাওঁ আৰু আপুনি সেৱাটো ব্যৱহাৰ কৰিলে কিদৰে আপোনাৰ গোপনীয়তা সুৰক্ষিত কৰোঁ তাৰ ব্যাখ্যা আগবঢ়ায়। YouTube Kidsৰ গোপনীয়তাৰ জাননীয়ে আমাৰ গোপনীয়তা সম্পৰ্কীয় কাৰ্যকলাপৰ বিষয়ে অতিৰিক্ত তথ্য প্ৰদান কৰে যিবোৰ কেৱল YouTube Kidsৰ ক্ষেত্ৰত প্ৰযোজ্য।
আপুনি সেৱাটোত আপল’ড কৰা যিকোনো অডিঅ’ অথবা দৃশ্য-শ্ৰাব্য সমল আমি YouTubeৰ ডেটা প্ৰক্ৰিয়াকৰণৰ চৰ্তাৱলী অনুসৰি প্ৰক্ৰিয়াকৰণ কৰিম, যদিহে আপুনি তেনেধৰণৰ সমল ব্যক্তিগত উদ্দেশ্য অথবা ঘৰুৱা কাৰ্যকলাপৰ কাৰণে আপল’ড নকৰে। অধিক জানক।
অনুমতি আৰু প্ৰতিবন্ধকতা
আপুনি এই চুক্তি আৰু প্ৰযোজ্য আইন মানি চলালৈকে সেৱাটো আপোনাৰ বাবে উপলব্ধ কৰা ধৰণে ব্যৱহাৰ কৰিব পাৰে। আপুনি আপোনাৰ ব্যক্তিগত, অ-বাণিজ্যিক ব্যৱহাৰৰ বাবে সমল চাব অথবা শুনিব পাৰে। আপুনি লগতে এম্বেড কৰিব পৰা YouTube প্লে’য়াৰৰ জৰিয়তে YouTube ভিডিঅ’ দেখুৱাব পাৰে।
এই প্ৰতিবন্ধকতাসমূহ আপুনি কৰা সেৱাটোৰ ব্যৱহাৰৰ ক্ষেত্ৰত প্ৰযোজ্য। আপুনি এয়া কৰাৰ অনুমতি নাই:
- সেৱাটোৰ অথবা যিকোনো সমলৰ যিকোনো অংশ এক্সেছ, পুনৰুৎপাদন, ডাউনল’ড, বিতৰণ, প্ৰেৰণ, সম্প্ৰচাৰ, প্ৰদৰ্শন, বিক্ৰী, অনুজ্ঞাপত্ৰ প্ৰদান, পৰিৱৰ্তন, সংশোধন অথবা ব্যৱহাৰ কৰা, যদিহে: (ক) সেৱাটোৱে স্পষ্টভাৱে অনুমোদন নিদিয়ে; অথবা (খ) YouTubeএ আৰু যদি প্ৰযোজ্য হয়, সংশ্লিষ্ট অধিকাৰ ধাৰকে আগতীয়াকৈ লিখিত অনুমতি নিদিয়ে;
- সেৱাটোৰ যিকোনো অংশক এৰাই চলা, নিষ্ক্ৰিয় কৰা, প্ৰৱঞ্চনামূলকভাৱে জড়িত হোৱা অথবা হস্তক্ষেপ কৰা (অথবা এইবোৰৰ কোনো এটা কাম কৰিবলৈ চেষ্টা কৰা), য’ত সুৰক্ষা-সম্পৰ্কীয় সুবিধা অথবা সেইবোৰ সেৱা অন্তৰ্ভুক্ত যিয়ে (ক) সমলটোৰ প্ৰতিলিপি কৰা অথবা অন্য ধৰণৰ ব্যৱহাৰত বাধা দিয়ে অথবা ব্যৱহাৰ প্ৰতিবন্ধিত কৰে অথবা (খ) সেৱা অথবা সমলটোৰ ব্যৱহাৰ সীমিত কৰে;
- যিকোনো স্বয়ংক্ৰিয় পদ্ধতি (যেনে- ৰবট, বটনেট অথবা স্ক্ৰেপাৰ) ব্যৱহাৰ কৰি সেৱাটো এক্সেছ কৰা, যদিহে (ক) সেয়া YouTubeৰ robots.txt ফাইল অনুসৰি ৰাজহুৱা সন্ধান ইঞ্জিন ব্যৱহাৰ কৰি কৰা নহয়; অথবা (খ) YouTubeৰ আগতীয়া লিখিত অনুমতি অনুসৰি কৰা নহয়;
- কোনো লোকক চিনাক্ত কৰিব পৰা যিকোনো তথ্য সংগ্ৰহ কৰা অথবা আহৰণ কৰা (উদাহৰণস্বৰূপে, ব্যৱহাৰকাৰীৰ নাম অথবা মুখাৱয়ব), যদিহে সেই ব্যক্তিগৰাকীয়ে তাৰ অনুমতি নিদিয়ে অথবা সেয়া ওপৰৰ শাখা (৩)ৰ অধীনত তাৰ অনুমতি দিয়া নহয়;
- অনাকাংক্ষিত প্ৰচাৰমূলক অথবা বাণিজ্যিক সমল অথবা অন্য অবাঞ্চিত অথবা সামূহিক আগ্ৰহৰ প্ৰচাৰ কৰিবলৈ সেৱাটোৰ ব্যৱহাৰ কৰা;
- সেৱাটোৰ সৈতে প্ৰকৃত ব্যৱহাৰকাৰীৰ অংশগ্ৰহণৰ কোনো ভুল জোখ-মাখ কৰোৱা অথবা তেনে কৰিবলৈ উৎসাহিত কৰা, য’ত কোনো ভিডিঅ’ৰ ভিউ, লাইক অথবা ডিছলাইক বৃদ্ধি কৰিবলৈ অথবা কোনো চেনেলৰ ছাবস্ক্ৰাইবাৰৰ সংখ্যা বৃদ্ধি কৰিবলৈ অথবা যিকোনো প্ৰকাৰে মেট্ৰিক্সত হেৰফেৰ কৰিবলৈ লোকক টকা দি অথবা ইনচেণ্টিভ প্ৰদান কৰি কৰোৱাও অন্তৰ্ভুক্ত;
- ভিত্তিহীন, বিৰক্তিকৰ অথবা গুৰুত্বহীন দাখিলৰ দ্বাৰা কৰাকে ধৰি প্ৰতিবেদন দাখিল কৰা, ফ্লেগ কৰা, অভিযোগ দিয়া, বিবাদ অথবা আপীলৰ প্ৰক্ৰিয়াৰ অপব্যৱহাৰ কৰা;
- সেৱাটোত অথবা সেৱাটোৰ জৰিয়তে এনে প্ৰতিযোগিতা চলোৱা যিটো YouTubeৰ প্ৰতিযোগিতাৰ নীতি আৰু নিৰ্দেশনাৱলীৰ অনুৱৰ্তী নহয়;
- ব্যক্তিগত, অ-বাণিজ্যিক ব্যৱহাৰৰ বাহিৰে অন্য সমল চাবলৈ অথবা শুনিবলৈ সেৱাটো ব্যৱহাৰ কৰা
- (উদাহৰণস্বৰূপে, আপুনি সেৱাটোৰ পৰা ৰাজহুৱাকৈ ভিডিঅ’ স্ক্ৰীন কৰিব অথবা সংগীত ষ্ট্ৰীম কৰিব নোৱাৰিব); অথবা
- এয়া কৰিবলৈ সেৱাটোৰ ব্যৱহাৰ কৰা: (ক) YouTubeত বিজ্ঞাপন দেখুওৱা নীতিত অনুমতি দিয়াসমূহৰ বাহিৰে সেৱাটোৰ অথবা সমলৰ ওপৰত, চাৰিওকাষে অথবা ভিতৰত স্থাপন কৰা কোনো বিজ্ঞাপন, স্পনছ’ৰশ্বিপ অথবা প্ৰচাৰ বিক্ৰী কৰা (যেনে- অনুৱৰ্তী প্ৰ’ডাক্ট স্থাপন); অথবা (খ) যিকোনো ৱেবছাইট অথবা এপ্লিকেশ্বনৰ যিকোনো পৃষ্ঠাত বিজ্ঞাপন, স্পনছ’ৰশ্বিপ অথবা প্ৰচাৰ বিক্ৰী কৰা য’ত কেৱল সেৱাৰ সমল অন্তৰ্ভুক্ত অথবা য’ত সেৱাটোৰ সমল তেনে বিক্ৰীৰ প্ৰাথমিক ভিত্তি (উদাহৰণস্বৰূপে, এনেকুৱা এটা ৱেবপেজত বিজ্ঞাপন বিক্ৰী কৰা য’ত ৱেবপেজটোলৈ যোৱা ব্যৱহাৰকাৰীসকলৰ বাবে YouTubeৰ ভিডিঅ’সমূহেই মূল আকৰ্ষণ)।
আৰক্ষণ
সেৱাটো ব্যৱহাৰ কৰাটোৱে আপোনাক ব্যৱহাৰকাৰীৰ নাম অথবা অন্য লোকে অথবা YouTubeএ প’ষ্ট কৰা অন্য কোনো সমলকে ধৰি সেৱাটোৰ কোনো ক্ষেত্ৰৰে মালিকীস্বত্ব অথবা অধিকাৰ প্ৰদান নকৰে)।
সেৱাটো বিকাশ কৰা, উন্নত কৰা আৰু আপডে’ট কৰা
YouTubeএ সেৱাটো অহৰহ সলনি আৰু উন্নত কৰি আছে। এই নিৰন্তৰ ক্ৰমবিকাশৰ অংশ হিচাপে, আমি সংশোধন অথবা সালসলনি কৰিব পাৰোঁ (সম্পূৰ্ণ সেৱাটোত অথবা তাৰ কোনো অংশত) যেনে- সুবিধা আৰু কাৰ্যকাৰীতা যোগ দিয়া অথবা আঁতৰোৱা, নতুন ডিজিটেল সমল অথবা সেৱা প্ৰদান কৰা অথবা পুৰণি সমল অথবা সেৱা বন্ধ কৰা। কাৰ্যক্ষমতা অথবা সুৰক্ষা উন্নত কৰিবলৈ, আইন মানি চলাৰ বাবে সালসলনি কৰিবলৈ অথবা আমাৰ ছিষ্টেমত অবৈধ কাৰ্যকলাপ প্ৰতিৰোধ কৰিবলৈ অথবা ছিষ্টেমৰ অপব্যৱহাৰ নকৰিবলৈ সেৱাটো অথবা তাৰ কোনো অংশ পৰিৱৰ্তন কৰিব অথবা বন্ধ কৰিবও পাৰোঁ। এই সালসলনিসমূহে সকলো ব্যৱহাৰকাৰী, কিছুমান ব্যৱহাৰকাৰী অথবা কোনো গাইগুটীয়া ব্যৱহাৰকাৰীকো প্ৰভাৱিত কৰিব পাৰে। সেৱাটোক ডাউনল’ড কৰিব পৰা ছফ্টৱেৰৰ প্ৰয়োজন হ’লে অথবা তাত তেনে ছফ্টৱেৰ অন্তৰ্ভুক্ত হ’লে (যেনে- YouTube Studio এপ্লিকেশ্বন), সেই ছফ্টৱেৰটোৰ নতুন সংস্কৰণ অথবা সুবিধা উপলব্ধ হোৱাৰ লগে লগে সেইটো আপোনাৰ ডিভাইচৰ ছেটিঙৰ ওপৰত ভিত্তি কৰি আপোনাৰ ডিভাইচত স্বয়ংক্ৰিয়ভাৱে আপডে’ট হ’ব পাৰে। যদি আমি আপুনি সেৱাটো ব্যৱহাৰ কৰাৰ ক্ষেত্ৰত নেতিবাচক প্ৰভাৱ পেলোৱা বস্তুগত পৰিৱৰ্তন কৰোঁ, আমি আপোনাক যুক্তিসংগতভাৱে আগতীয়াকৈ জাননী প্ৰদান কৰিম, যদিহে অপব্যৱহাৰ প্ৰতিৰোধ কৰা, আইনী আৱশ্যকতাৰ প্ৰতি সঁহাৰি জনোৱা অথবা সুৰক্ষা আৰু প্ৰয়োগসাধ্যতা সম্পৰ্কীয় সমস্যা সমাধান কৰাৰ দৰে জৰুৰীকালীন পৰিস্থিতিৰ সৃষ্টি নহয়। আমি লগতে প্ৰযোজ্য আইন আৰু নীতি অনুসৰি Google Takeout, ব্যৱহাৰ কৰি আপোনাক আপোনাৰ Google একাউণ্টৰ পৰা আপোনাৰ সমল ৰপ্তানি কৰাৰ সুযোগো প্ৰদান কৰিম।
আপোনাৰ সমল আৰু আচৰণ
সমল আপল’ড কৰা
আপোনাৰ যদি YouTube চেনেল আছে, আপুনি সেৱাটোত সমল আপল’ড কৰিব পাৰিব পাৰে। আপুনি আপোনাৰ ব্যৱসায় অথবা কলাত্মক এণ্টাৰপ্ৰাইজৰ প্ৰচাৰ চলাবলৈ আপোনাৰ সমল ব্যৱহাৰ কৰিব পাৰে। যদি আপুনি সমল আপল’ড কৰাৰ সিদ্ধান্ত লয়, তেন্তে আপুনি এই চুক্তি (YouTubeৰ সম্প্ৰদায়ৰ নিৰ্দেশাৱলী) অথবা প্ৰযোজ্য আইন(সমূহ) মানি চলিবই লাগিব।
বিশেষকৈ, সমলখিনিয়ে নিম্নোক্তসমূহ মানি চলিবই লাগিব:
ক) গোপনীয়তাকে ধৰি অন্যৰ অধিকাৰসমূহক সন্মান কৰা;
খ) তৃতীয় পক্ষৰ বৌদ্ধিক সম্পত্তি (যেনে- কপিৰাইট থকা সামগ্ৰী) অন্তৰ্ভুক্ত হ’ব নালাগে যদিহে আপোনাৰ ওচৰত সেই পক্ষৰ অনুমতি নাথাকে অথবা আপুনি আইনগতভাৱে ইয়াৰ অধিকাৰী নহয়;
গ) অন্যক অথবা নিজকে দুৰ্ব্যৱহাৰ অথবা ক্ষতি নকৰা (অথবা তেনে দুৰ্ব্যৱহাৰ অথবা ক্ষতি কৰাৰ ভাবুকি দিয়া অথবা তেনে কৰিবলৈ উচটনি নোযোগোৱা), য’ত শিশুৰ বিৰুদ্ধে তেনে কৰাও অন্তৰ্ভুক্ত;
ঘ) বিপথে পৰিচালিত কৰা, প্ৰকাশ্যভাৱে মিছা হয় অথবা প্ৰৱঞ্চনামূলক হয়;
ঙ) আইনীভাৱে ছদ্মৱেশ ধাৰণ নকৰা, বদনাম নকৰা, ভীতিগ্ৰস্ত নকৰা, হাৰাশাস্তি নকৰা, অশ্লীল নোহোৱা অথবা আনক অনুসৰণ নকৰা;
চ) প্ৰযোজ্য আইন উলংঘা কৰিবলৈ উচটনি নিদিয়া;
ছ) সেৱাটোৰ অপব্যৱহাৰ আৰু ক্ষতি নকৰা, সেৱাটোত হস্তক্ষেপ নকৰা অথবা বিঘিনি নজন্মোৱা — উদাহৰণস্বৰূপে, প্ৰৱঞ্চনামূলক অথবা প্ৰতাৰণামূলক উপায়েৰে সেইবোৰ এক্সেছ অথবা ব্যৱহাৰ কৰা, মালৱেৰ ব্যৱহাৰ কৰা অথবা স্পামিং কৰা, হেক কৰা অথবা আমাৰ ছিষ্টেম অথবা সুৰক্ষামূলক ব্যৱস্থাপনা বাইপাছ কৰা।
আপুনি সেৱাটোত দাখিল কৰা সমলৰ বাবে আপুনি আইনগতভাৱে দায়বদ্ধ। আমি স্বয়ংক্ৰিয় ছিষ্টেম ব্যৱহাৰ কৰিব পাৰোঁ যিয়ে স্পাম, মালৱেৰকে ধৰি উলংঘন আৰু অপব্যৱহাৰ ধৰা পেলোৱাত সহায় কৰিবলৈ আপোনাৰ সমল বিশ্লেষণ কৰে।
আপুনি অনুমোদন জনোৱা অধিকাৰ
আপুনি আপোনাৰ সমলত মালিকীস্বত্বৰ অধিকাৰ ৰাখি থয়। অৱশ্যে, আমি YouTubeক আৰু সেৱাটোৰ অন্য ব্যৱহাৰকাৰীসকলক তলত বৰ্ণনা কৰা ধৰণে আপোনাক কিছুমান অধিকাৰ প্ৰদান কৰিব লাগিব।
YouTubeলৈ অনুজ্ঞাপত্ৰ প্ৰদান কৰা
সেৱাটোক সমল প্ৰদান কৰি, আপুনি YouTubeক সেই সমলটো (পুনৰুৎপাদন, বিতৰণ, অমৌলিক কাম সাজু কৰা, সেইটো প্ৰদৰ্শন আৰু সম্পাদন কৰাকে ধৰি) ব্যৱহাৰ কৰিবলৈ এক বিশ্বব্যাপী, অ-একচেটিয়া, ৰয়েল্টিবিহীন উপ-অনুজ্ঞাপত্ৰ প্ৰদান কৰিব পৰা আৰু হস্তান্তৰণযোগ্য অনুজ্ঞাপত্ৰ প্ৰদান কৰে। YouTubeএ সেই সমলটো কেৱল সেৱাটো আৰু YouTube (আৰু ইয়াৰ উত্তৰাধিকাৰী’ আৰু শাখাসমূহৰ)ৰ ব্যৱসায়টোৰ লগত সংগতি ৰাখি ব্যৱহাৰ কৰিব পাৰে, য’ত সেৱাটো আংশিকভাৱে অথবা সম্পূৰ্ণৰূপে প্ৰচাৰ আৰু পুনৰ বিতৰণৰ উদ্দেশ্যে প্ৰদান কৰাটোও অন্তৰ্ভুক্ত।
অন্য ব্যৱহাৰকাৰীলৈ অনুজ্ঞাপত্ৰ প্ৰদান
আপুনি লগতে কেৱল সেৱাটোৰ কোনো সুবিধাই (ভিডিঅ’ প্লে’বেক অথবা এম্বেডৰ দৰে) সক্ষম কৰা অনুসৰি সেৱাটোৰ অন্য প্ৰতিগৰাকী ব্যৱহাৰকাৰীক সেৱাটোৰ জৰিয়তে আপোনাৰ সমল এক্সেছ কৰিবলৈ আৰু পুনৰুৎপাদন, বিতৰণ, অমৌলিক কাম সাজু কৰা, সেইটো প্ৰদৰ্শন আৰু সম্পাদন কৰা আদিৰ দৰে কাৰ্যৰ বাবে ব্যৱহাৰ কৰিবলৈ অনুমতি প্ৰদান কৰে। স্পষ্টতাৰ বাবে, এই অনুজ্ঞাপত্ৰখনে কোনো ব্যৱহাৰকাৰীক সেৱাটোৰ পৰা স্বাধীন আপোনাৰ সমল ব্যৱহাৰ কৰাৰ কোনো অধিকাৰ অথবা অনুমতি প্ৰদান নকৰে।
অনুজ্ঞাপত্ৰৰ সময় অৱধি
আপুনি সেৱাটোৰ পৰা আপোনাৰ সমল আঁতৰোৱা অথবা মচি পেলোৱাৰ পাছত আপুনি প্ৰদান কৰা অনুজ্ঞাপত্ৰসমূহ বাণিজ্যিকভাৱে যুক্তিসংগত সময়ৰ বাবে চলি থাকে। অৱশ্যে, আপুনি বুজি পায় আৰু সন্মতি দিয়ে যে আঁতৰোৱা অথবা মচি পেলোৱা আপোনাৰ ভিডিঅ’সমূহৰ ছাৰ্ভাৰত থকা প্ৰতিলিপি YouTubeএ ৰাখি থ’ব পাৰে, কিন্তু ই কেতিয়াও সেয়া প্ৰদৰ্শন, বিতৰণ অথবা সম্পাদন নকৰে।
মুদ্ৰাকৰণ কৰাৰ অধিকাৰ
আপুনি YouTubeক সেৱাটোত আপোনাৰ সমল মুদ্ৰাকৰণ কৰাৰ অধিকাৰ প্ৰদান কৰে (আৰু তেনে মুদ্ৰাকৰণৰ ভিতৰত সমলত অথবা তাৰ ভিতৰত বিজ্ঞাপন প্ৰদৰ্শন কৰা হ’ব পাৰে অথবা ব্যৱহাৰকাৰীৰ পৰা এক্সেছৰ বাবে মাচুল লোৱা হ’ব পাৰে)। এই চুক্তিখনে আপোনাক কোনো ধৰণৰ পৰিশোধ প্ৰদান নকৰে। ১ জুন, ২০২১ৰ পৰা, আপোনাৰ আৰু YouTubeৰ মাজত হোৱা অন্য কোনো চুক্তিৰ অধীনত আপুনি YouTube ৰ পৰা লাভ কৰিবলগীয়া যিকোনো পৰিশোধক (উদাহৰণস্বৰূপে, YouTube Partner Program, চেনেলৰ মেম্বাৰশ্বিপ অথবা Super Chatৰ অধীনত পাবলগীয়া পৰিশোধকে ধৰি) ৰয়েল্টি হিচাপে গণ্য কৰা হ’ব। আইন অনুসৰি আৱশ্যক হ’লে Googleএ তেনে পৰিশোধৰ পৰা কৰ ৰাখি থ’ব।
আপোনাৰ সমল আঁতৰোৱা
আপুনি সেৱাটোৰ পৰা যিকোনো সময়তে আপোনাৰ সমল আঁতৰাব পাৰে। আপুনি লগতে আপোনাৰ সমলটো আঁতৰোৱাৰ আগতে তাৰ এটা প্ৰতিলিপি কৰিব পাৰে। আপোনাৰ যদি এই চৰ্তাৱলী অনুসৰি আৱশ্যক হোৱা অধিকাৰসমূহ আৰু নাই, আপুনি আপোনাৰ সমলটো আঁতৰাবই লাগিব।
YouTubeএ সমল আঁতৰোৱা
যদি আমি যুক্তিসংগতভাৱে বিশ্বাস কৰোঁ যে আপোনাৰ কোনো সমলে (১) এই চুক্তিখন উলংঘন কৰে অথবা (২) YouTube, আমাৰ ব্যৱহাৰকাৰী অথবা তৃতীয় পক্ষৰ ক্ষতি কৰে, আমি প্ৰযোজ্য আইনৰ অধীনতআঁতৰাই পেলোৱাৰ অধিকাৰ সংৰক্ষিত কৰোঁ।। আমি লোৱা কাৰ্যব্যৱস্থাৰ কাৰণৰ বিষয়ে আমি আপোনাক অৱগত কৰিম যদিহে আমি যুক্তিসংগতভাৱে বিশ্বাস কৰোঁ যে তেনে কৰিলে: (ক) আইন অথবা আইন বলৱৎকাৰী কৰ্তৃপক্ষৰ নিৰ্দেশনা উলংঘা কৰা নহয় অথবা YouTube অথবা আমাৰ শাখাসমূহৰ বাবে আইনী দায়বদ্ধতাৰ বিপদাশংকা নহয়; (খ) কোনো তদন্ত অথবা সেৱাটোৰ অখণ্ডতা অথবা কাৰ্যকলাপৰ সৈতে আপোচ কৰা নহয়; অথবা (গ) কোনো ব্যৱহাৰকাৰী, অন্য তৃতীয় পক্ষ, YouTube অথবা আমাৰ শাখাৰ কোনো ক্ষতি নহয়। আপুনি আমাৰ সহায় কেন্দ্ৰত অভিযোগ দিয়া আৰু বলৱৎ কৰাৰ বিষয়ে অধিক জানিব পাৰে, য’তসমস্যা সমাধানৰ পৃষ্ঠাখনত আপীল কৰাটোও অন্তৰ্ভুক্ত।
সম্প্ৰদায়ৰ নিৰ্দেশাৱলী উলংঘন সম্পৰ্কীয় ষ্ট্ৰাইক
YouTubeৰ সম্প্ৰদায়ৰ নিৰ্দেশাৱলীউলংঘন কৰা সমল সন্দৰ্ভত YouTubeএ “ষ্ট্ৰাইক”ৰ এটা ছিষ্টেম সঞ্চালন কৰে। প্ৰতিটো ষ্ট্ৰাইকতে বেলেগ বেলেগ প্ৰতিবন্ধকতা থাকে আৰু তাৰ ফলত YouTubeৰ পৰা আপোনাৰ চেনেলটো স্থায়ীভাৱে আঁতৰোৱা হ’ব পাৰে। ষ্ট্ৰাইকে আপোনাৰ চেনেলত কিদৰে প্ৰভাৱ পেলায় তাৰ এটা সম্পূৰ্ণ বিৱৰণ সম্প্ৰদায়ৰ নিৰ্দেশাৱলীৰ ষ্ট্ৰাইক সম্পৰ্কীয় প্ৰাথমিক তথ্যৰ পৃষ্ঠাত উপলব্ধ। আপুনি যদি বিশ্বাস কৰে যে কোনো ষ্ট্ৰাইক ভুলক্ৰমে জাৰি কৰা হৈছে, আপুনি ইয়াত আপীল কৰিব পাৰে।
যদি আপোনাৰ চেনেলটো ষ্ট্ৰাইকৰ কাৰণে প্ৰতিবন্ধিত কৰা হৈছে, আপুনি প্ৰতিবন্ধকতাসমূহ এৰাই চলিবলৈ অন্য এটা চেনেল ব্যৱহাৰ কৰা উচিত নহয়। এই প্ৰতিবন্ধকতাটোৰ উলংঘন কৰাটো এক গুৰুতৰ উলংঘন আৰু Googleএ আপোনাৰ Google একাউণ্ট অথবা সেৱাটোৰ আংশিক নাইবা সম্পূৰ্ণ এক্সেছ বন্ধ কৰাৰ অধিকাৰ সংৰক্ষণ কৰে।
স্বত্বাধিকাৰৰ সুৰক্ষা
আমি স্বত্বাধিকাৰীসকলক অনলাইনত নিজৰ বৌদ্ধিক সম্পত্তি পৰিচালনা কৰাত সহায় কৰিবলৈ আমাৰ YouTubeৰ স্বত্বাধিকাৰ কেন্দ্ৰত তথ্য প্ৰদান কৰোঁ। আপুনি যদি বিশ্বাস কৰে যে সেৱাটোত আপোনাৰ স্বত্বাধিকাৰ উলংঘন কৰা হৈছে, অনুগ্ৰহ কৰি আমালৈ এখন জাননী পঠিয়াওক।
আমি আমাৰ YouTubeৰ স্বত্বাধিকাৰ কেন্দ্ৰত থকা প্ৰক্ৰিয়া অনুসৰি অভিযুক্ত স্বত্বাধিকাৰ উলংঘনৰ জাননীত সঁহাৰি জনাওঁ, য’ত আপুনি স্বত্বাধিকাৰ সম্পৰ্কীয় ষ্ট্ৰাইক কিদৰে সমাধান কৰিব লাগে সেই বিষয়ক তথ্যও পাব পাৰে। YouTubeৰ নীতিসমূহে উপযুক্ত পৰিস্থিতিত, বাৰে বাৰে উলংঘন কৰা ব্যৱহাৰকাৰীয়ে সেৱাটো এক্সেছ কৰাটো বন্ধ কৰাৰ ব্যৱস্থা গ্ৰহণ কৰে।
একাউণ্ট নিলম্বন আৰু বন্ধ কৰা
আপুনি বন্ধ কৰা
আপুনি যিকোনো সময়তে সেৱাটো ব্যৱহাৰ কৰা বন্ধ কৰিব পাৰে। আপোনাৰ Google একাউণ্টৰ পৰা সেৱাটো মচিবলৈ এই নিৰ্দেশনাৱলী অনুসৰণ কৰক, য’ত আপোনাৰ YouTube চেনেল বন্ধ কৰা আৰু আপোনাৰ ডেটা আঁতৰোৱাটো অন্তৰ্ভুক্ত। আপোনাৰ ওচৰত প্ৰথমে আপোনাৰ ডেটাখিনিৰ এটা প্ৰতিলিপি ডাউনল’ড কৰাৰ বিকল্পও আছে।
YouTubeএ বন্ধ কৰা আৰু নিলম্বন কৰা
YouTubeএ আপোনাৰ Google একাউণ্ট অথবা আপুনি সেৱাটো আংশিকভাৱে অথবা সম্পূৰ্ণভাৱে এক্সেছ কৰাটো নিলম্বন কৰাৰ অথবা বন্ধ কৰাৰ অধিকাৰ সংৰক্ষণ কৰে, যদিহে : (ক) আপুনি গুৰুতৰভাৱে অথবা বাৰে বাৰে চুক্তিখন উলংঘন কৰে; (খ) আমি কোনো আইনী আৱশ্যকতা অথবা আদালতৰ আদেশ মানি চলিবলৈ তেনে কৰিব লাগে; অথবা (গ) আমি বিশ্বাস কৰোঁএনে কিবা আচৰণ কৰা হৈছে যিয়ে যিকোনো ব্যৱহাৰকাৰী, অন্য তৃতীয় পক্ষ, YouTube অথবা আমাৰ শাখাৰ প্ৰতি দায়বদ্ধতা সৃষ্টি কৰে (অথবা সৃষ্টি কৰিব পাৰে) অথবা ক্ষতি কৰে।
বন্ধ কৰা অথবা নিলম্বন কৰাৰ জাননী
YouTubeএ বন্ধ অথবা নিলম্বন কৰাৰ কাৰণৰ বিষয়ে আপোনাক জনাম যদিহে আমি যুক্তিসংগতভাৱে বিশ্বাস কৰোঁ যে তেনে কৰিলে: (ক) আইন অথবা আইন বলৱৎকাৰী কৰ্তৃপক্ষৰ নিৰ্দেশনা উলংঘা কৰা নহয়; (খ) তদন্তৰ ক্ষেত্ৰত কোনো আপোচ কৰা নহয়; (গ) সেৱাটোৰ অখণ্ডতা, সঞ্চালন অথবা সুৰক্ষাৰ ক্ষেত্ৰত আপোচ কৰা নহয়; অথবা (ঘ) কোনো ব্যৱহাৰকাৰী, অন্য তৃতীয় পক্ষ, YouTube অথবা আমাৰ শাখাৰ ক্ষতি নকৰে। যি ক্ষেত্ৰত YouTubeএ সেৱা পৰিৱৰ্তনৰ বাবে আপোনাৰ ব্যৱহাৰ বন্ধ কৰি আছে, য’ত যুক্তিসংগতভাৱে সম্ভৱ, আপোনাক সেৱাৰ পৰা আপোনাৰ বিষয়বস্তু ৰপ্তানি কৰিবলৈ পৰ্যাপ্ত সময় প্ৰদান কৰা হ’ব।
একাউণ্ট নিলম্বন অথবা বন্ধ কৰাৰ প্ৰভাৱ
যদি আপোনাৰ Google একাউণ্টটো বন্ধ কৰা হয় অথবা আপোনাৰ থকা সেৱাটোৰ এক্সেছ প্ৰতিবন্ধিত কৰা হয়, আপুনি কোনো একাউণ্ট নোহোৱাকৈ সেৱাটোৰ নিৰ্দিষ্ট কিছুমান দিশ (যেনে- কেৱল চোৱা) ব্যৱহাৰ কৰি থাকিব পাৰে আৰু তেনে ধৰণৰ ব্যৱহাৰৰ ক্ষেত্ৰত এই চুক্তিখন প্ৰয়োগ কৰা হৈ থাকিব। আপুনি যদি বিশ্বাস কৰে যে আপোনাৰ Google একাউণ্ট বন্ধ কৰা অথবা নিলম্বন কৰাটো আসোঁৱাহৰ কাৰণে হৈছে, আপুনি এই ফৰ্মখন ব্যৱহাৰ কৰি আপীল কৰিব পাৰে।
সেৱাটোত থকা ছফ্টৱেৰৰ বিষয়ে
ডাউনল’ড কৰিব পৰা ছফ্টৱেৰ
সেৱাটোক ডাউনল’ড কৰিব পৰা ছফ্টৱেৰৰ প্ৰয়োজন হ’লে অথবা তাত তেনে ছফ্টৱেৰ অন্তৰ্ভুক্ত হ’লে (যেনে- YouTube Studio এপ্লিকেশ্বন), সেই ছফ্টৱেৰটো যদিহে কোনো অনুজ্ঞাপত্ৰ প্ৰদান কৰা অতিৰিক্ত চৰ্তাৱলীৰ দ্বাৰা নিয়ন্ত্ৰিত নহয়, সেৱাটোৰ অংশ হিচাপে YouTubeএ আপোনাক প্ৰদান কৰা ছফ্টৱেৰটো ব্যৱহাৰ কৰিবলৈ YouTubeএ আপোনাক এখন ব্যক্তিগত, বিশ্বজনীন, ৰয়েল্টিবিহীন, আবণ্টন কৰিব নোৱৰা আৰু অ-বিশেষ অনুজ্ঞাপত্ৰ প্ৰদান কৰে। এই অনুজ্ঞাপত্ৰখনৰ একমাত্ৰ উদ্দেশ্য হৈছে আপোনাক YouTubeএ এই চুক্তিখনৰ দ্বাৰা অনুমোদিত পদ্ধতিৰে প্ৰদান কৰা সেৱাৰ সুবিধা ব্যৱহাৰ আৰু উপভোগ কৰিবলৈ সক্ষম কৰা। আপুনি ছফ্টৱেৰটোৰ কোনো অংশ প্ৰতিলিপি কৰা, সংশোধন কৰা, বিতৰণ কৰা, বিক্ৰী কৰা, উপ-অনুজ্ঞাপত্ৰ দিয়া অথবা লীজত লোৱাৰ , যদিহে আইনসমূহে এই প্ৰতিবন্ধকতাসমূহ নিষিদ্ধ নকৰে অথবা আপোনাৰ ওচৰত YouTubeৰ লিখিত অনুমতি নাথাকে।
মুক্ত উৎস
আমাৰ সেৱাটোত ব্যৱহাৰ হোৱা কিছুমান ছফ্টৱেৰ এনেকুৱা এখন মুক্ত উৎসৰ, ৰয়েল্টিবিহীন অনুজ্ঞাপত্ৰৰ অধীনত প্ৰদান কৰা হ’ব পাৰে যিখন আমি প্ৰদান কৰোঁ। মুক্ত উৎসৰ অনুজ্ঞাপত্ৰত এনেকুৱা ব্যৱস্থা থাকিব পাৰে যিবোৰে এই চৰ্তাৱলীৰ কিছুমান স্পষ্টভাৱে অ’ভাৰৰাইড কৰে, গতিকে অনুগ্ৰহ কৰি সেই অনুজ্ঞাপত্ৰসমূহ পঢ়াটো নিশ্চিত কৰক।
অন্য আইনী চৰ্তাৱলী
ৱাৰেণ্টীৰ অস্বীকাৰমূলক ঘোষণা
এই চুক্তিখনত স্পষ্টভাৱে উল্লেখ কৰা অথবা আইনৰ দ্বাৰা প্ৰয়োজনীয় হোৱাৰ বাহিৰেও, সেৱাটো “যেনেকৈ আছে তেনেকৈ” প্ৰদান কৰা হয় আৰু YOUTUBEএ সেৱাটোৰ বিষয়ে নিৰ্দিষ্ট কোনো অংগীকাৰ অথবা ৱাৰেণ্টী প্ৰদান নকৰে। উদাহৰণস্বৰূপে, আমি এইবোৰৰ বিষয়ে কোনো ৱাৰেণ্টী নিদিওঁ: (ক) সেৱাটোৰ জৰিয়তে প্ৰদান কৰা সমল; (খ) সেৱাটোৰ নিৰ্দিষ্ট বৈশিষ্ট্য অথবা ইয়াৰ সঠিকতা, নিৰ্ভৰযোগ্যতা, উপলব্ধতা অথবা আপোনাৰ প্ৰয়োজনীয়তা পূৰণ কৰাৰ ক্ষমতা; অথবা (গ) আপুনি দাখিল কৰা কোনো সমল সেৱাটোত এক্সেছ কৰিব পৰা যাব।
দায়বদ্ধতাৰ সীমাবদ্ধতা
প্ৰযোজ্য আইনৰ দ্বাৰা আৱশ্যক হোৱাৰ বাহিৰে YOUTUBE, ইয়াৰ শাখা, বিষয়া, পৰিচালক, কৰ্মচাৰী আৰু এজেণ্টসকল লাভ, আয়, ব্যৱসায়ৰ সুযোগ, সদ্ভাৱনা অথবা প্ৰত্যাশিত সঞ্চয়ৰ কোনো লোকচান; ডেটাৰ লোকচান অথবা দুৰ্নীতি; পৰোক্ষ অথবা পৰিণামস্বৰূপে হোৱা লোকচান; ইয়াৰ দ্বাৰা হোৱা শাস্তিমূলক ক্ষতিৰ বাবে দায়ী নহ’ব:
- সেৱাটোত থকা আসোঁৱাহ, ভুল অথবা অশুদ্ধতা;
- আপুনি সেৱাটো ব্যৱহাৰ কৰাৰ ফলত হোৱা ব্যক্তিগত আঘাত অথবা সম্পত্তিৰ ক্ষতি;
- সেৱাটোৰ কৰ্তৃত্ববিহীন ব্যৱহাৰ;
- সেৱাটোত কোনো বাধা অথবা সেৱাটোৰ সমাপ্তি;
- কোনো তৃতীয় পক্ষৰ দ্বাৰা সেৱাটোলৈ অথবা সেৱাটোৰ জৰিয়তে সংক্ৰমণ হোৱা যিকোনো ভাইৰাছ অথবা ক্ষতিকাৰক ক’ড;
- আপুনি কৰা সমলটোৰ ব্যৱহাৰকে ধৰি যিকোনো সমল, লাগিলে সেয়া কোনো ব্যৱহাৰকাৰী অথবা YOUTUBEৰ দ্বাৰা দাখিল কৰাই নহওক কিয়; আৰু/অথবা
- কোনো সমল আঁতৰোৱা অথবা উপলব্ধ নোহোৱা।
এই ব্যৱস্থাটো যিকোনো দাবীৰ ক্ষেত্ৰত প্ৰযোজ্য, লাগিলে ঘোষণা কৰা দাবীটো ৱাৰেণ্টী, চুক্তি, টৰ্ট অথবা অন্য কোনো আইনী তত্ত্বৰ ওপৰত আধাৰিত হওকেই অথবা নহওকেই।
প্ৰযোজ্য আইনে অনুমতি দিয়া পৰ্যন্ত, সেৱাটোৰ পৰা উদ্ভৱ হোৱা অথবা সেৱাটোৰ সৈতে জড়িত যিকোনো দাবীৰ বাবে YOUTUBE আৰু ইয়াৰ শাখাসমূহৰ মুঠ দায়বদ্ধতা (ক) YOUTUBEলৈ লিখিত ৰূপত দিয়া দাবী সম্পৰ্কীয় আপোনাৰ জাননীখনৰ তাৰিখৰ আগৰ ১২ মাহত আপুনি কৰা সেৱাটোৰ ব্যৱহাৰৰ পৰা YOUTUBEএ আপোনাক দিয়া ৰাজহৰ পৰিমাণ আৰু (খ) USD $৫০০, যিটোৱেই তাতকৈ বেছি হয়।
ক্ষতিপূৰণ
প্ৰযোজ্য আইনে অনুমতি দিয়া পৰ্যন্ত আপুনি YouTube, ইয়াৰ শাখা, বিষয়া, পৰিচালক, কৰ্মচাৰী আৰু এজেণ্টসকলক এইসমূহৰ পৰা হ’ব পৰা যিকোনো আৰু আটাইবোৰ দাবী, ক্ষতি, বাধ্যবাধকতা, লোকচান, দায়বদ্ধতা, ব্যয় তথা ঋণ আৰু খৰচৰ (এটৰ্নীৰ মাচুলকে ধৰি কিন্তু তাতে সীমিত নকৰি) পৰা ৰক্ষা কৰিবলৈ, ক্ষতিপূৰণ দিবলৈ আৰু নিৰাপদে ৰাখিব বুলি সন্মতি দিয়ে: (১) আপুনি কৰা সেৱাটোৰ ব্যৱহাৰ ; (২) আপুনি উলংঘন কৰা কোনো চৰ্ত এই সেৱাৰ চৰ্তাৱলী; (৩) আপুনি উলংঘন কৰা তৃতীয় পক্ষৰ কোনো অধিকাৰ, য’ত স্বত্বাধিকাৰ, সম্পত্তি অথবা গোপনীয়তাৰ অধিকাৰ অন্তৰ্ভুক্ত, কিন্তু সেয়া সিমানতে সীমিত নহয়; অথবা (৪) তৃতীয় পক্ষৰ সমলত আপোনাৰ সমলে ক্ষতি কৰা বুলি কৰা কোনো দাবী। এই প্ৰতিৰক্ষা আৰু ক্ষতিপূৰণৰ বাধ্যবাধকতাই এই চুক্তিখন আৰু আপুনি কৰা সেৱাটোৰ ব্যৱহাৰ বৰ্তাই ৰাখিব।
তৃতীয় পক্ষৰ লিংক
সেৱাটোত তৃতীয় পক্ষৰ ৱেবছাইট আৰু অনলাইন সেৱাৰ লিংক থাকিব পাৰে যিবোৰৰ গৰাকী অথবা নিয়ন্ত্ৰক YouTube নহয়। তেনেধৰণৰ ৱেবছাইট আৰু অনলাইন সেৱাৰ ওপৰত YouTubeৰ কোনো নিয়ন্ত্ৰণ নাই তথা সেইসমূহৰ কোনো দায়িত্ব ই নলয়। আপুনি সেৱাটো এৰি গ’লে সতৰ্ক হওক; আমি আপোনাক পৰামৰ্শ দিওঁ যে আপুনি চোৱা তৃতীয় পক্ষৰ প্ৰতিটো ৱেবছাইট আৰু অনলাইন সেৱাৰ চৰ্তাৱলী আৰু গোপনীয়তাৰ নীতি যেন আপুনি পঢ়ি লয়।
এই চুক্তিখনৰ বিষয়ে
এই চুক্তিখন সলনি কৰা
আমি এই চুক্তিখন সলনি কৰিব পাৰোঁ, (১) আমাৰ সেৱাত কৰা সালসলনিসমূহ অথবা আমি কিদৰে ব্যৱসায় কৰোঁ সেয়া প্ৰতিফলিত কৰিবলৈ - উদাহৰণস্বৰূপে, আমি যেতিয়া নতুন প্ৰ’ডাক্ট অথবা সুবিধা যোগ দিওঁ অথবা পুৰণিবোৰ আঁতৰ কৰোঁ, (২) আইনী, নিয়ামক অথবা সুৰক্ষা সম্পৰ্কীয় কাৰণৰ বাবে অথবা (৩) অপব্যৱহাৰ অথবা ক্ষতি ৰোধ কৰিবলৈ ।
যদি আমি এই চুক্তিখন বস্তুগতভাৱে সলনি কৰোঁ, আমি আপোনাক যুক্তিসংগতভাৱে আগতীয়াকৈ জাননী দিম আৰু সালসলনিসমূহ পৰ্যালোচনা কৰাৰ সুযোগ প্ৰদান কৰিম, যদিহে (১) সেয়া কোনো নতুন প্ৰ’ডাক্ট অথবা সুবিধা লঞ্চ কৰাৰ সময় নহয় অথবা (২) সেয়া চলিত কোনো অপব্যৱহাৰ ৰোধ কৰা অথবা আইনী আৱশ্যকতাৰ প্ৰতি সঁহাৰি জনোৱাৰ দৰে জৰুৰীকালীন পৰিস্থিতি নহয়। যদি আপুনি নতুন চৰ্তাৱলীত সন্মতি নিদিয়ে, তেন্তে আপুনি আপল’ড কৰা আটাইবোৰ সমল আঁতৰাব লাগে আৰু সেৱাটো ব্যৱহাৰ কৰা বন্ধ কৰিব লাগে।
এই চুক্তিখন অব্যাহত ৰখা
যদি আপোনাৰ সেৱাটোৰ ব্যৱহাৰ শেষ হয়, তেন্তে এই চুক্তিখনৰ তলত দিয়া চৰ্তাৱলী আপোনাৰ বাবে প্ৰযোজ্য হৈ থাকিব: “অন্য আইনী চৰ্তাৱলী”, “এই চুক্তিখনৰ বিষয়ে” আৰু আপুনি অনুমতি দিয়া অনুজ্ঞাপত্ৰখন “অনুজ্ঞাপত্ৰৰ সময় অৱধি”ত বৰ্ণনা কৰা অনুসৰি চলি থাকিব।
পৃথকীকৰণ
যদিহে দেখা যায় যে এই চুক্তিখনৰ নিৰ্দিষ্ট কোনো চৰ্ত কোনো কাৰণত বলৱৎ কৰিব নোৱাৰি, তেন্তে ইয়াৰ ফলত আন কোনো চৰ্তত কোনো প্ৰভাৱ নপৰে।
কোনো ৰেহাই নাই
আপুনি যদি এই চুক্তিখন মানি চলাত ব্যৰ্থ হয় আৰু আমি তাৎক্ষণিকভাৱে ব্যৱস্থা গ্ৰহণ নকৰোঁ, তেন্তে ইয়াৰ অৰ্থ এইটো নহয় যে আমি আমাৰ থাকিব পৰা কোনো অধিকাৰ এৰি দিছোঁ (যেনে- ভৱিষ্যতে কাৰ্যব্যৱস্থা গ্ৰহণ কৰাৰ অধিকাৰ)।
ব্যাখ্যা
এই চৰ্তাৱলীত, “অন্তৰ্ভুক্ত” অথবা “অন্তৰ্ভুক্ত কৰি”ৰ অৰ্থ হ’ল “অন্তৰ্ভুক্ত কিন্তু সেয়া সিমানতে সীমিত নহয়” আৰু আমি প্ৰদান কৰা যিকোনো উদাহৰণ কেৱল বৰ্ণনা কৰাৰ উদ্দেশ্যেহে।
নিয়ন্ত্ৰণ কৰা আইন
কেলিফৰ্নিয়াৰ আইনে এই চৰ্তাৱলী অথবা সেৱাটোৰ পৰা উদ্ভৱ হোৱা অথবা ইয়াৰ সৈতে জড়িত আটাইবোৰ দাবী পৰিচালনা কৰিব লাগিলে আইনৰ সংঘাত হওকেই অথবা নহওকেই। এই বিবাদসমূহৰ নিষ্পত্তি কেৱল আমেৰিকা যুক্তৰাষ্ট্ৰৰ কেলিফৰ্নিয়াৰ ছাণ্টা ক্লাৰা কাউণ্টীৰ ফেডাৰেল অথবা ৰাজ্যিক আদালতত কৰা হ’ব আৰু আপুনি আৰু YouTubeএ সেই আদালতসমূহৰ ব্যক্তিগত ক্ষেত্ৰাধিকাৰত সন্মতি দিয়ে।
যদি প্ৰযোজ্য স্থানীয় আইনে এই বিবাদসমূহ কেলিফৰ্নিয়াৰ আদালতত সমাধান কৰাত বাধা দিয়ে, তেন্তে আপুনি এই বিবাদসমূহ আপোনাৰ স্থানীয় আদালতত দাখিল কৰিব পাৰে। একেদৰে, যদি প্ৰযোজ্য স্থানীয় আইনে আপোনাৰ স্থানীয় আদালতে এই বিবাদসমূহ সমাধানৰ বাবে কেলিফৰ্নিয়াৰ আইন প্ৰয়োগ কৰাত বাধা দিয়ে, তেন্তে এই বিবাদসমূহ আপোনাৰ বাসস্থানৰ দেশৰ আইনসমূহৰ দ্বাৰা পৰিচালিত হ’ব।