ಇತರ ಭಾಷೆಗಳಲ್ಲಿ ಸೇವಾ ನಿಯಮಗಳನ್ನು ವೀಕ್ಷಿಸಿ: English, অসমীয়া, ગુજરાતી, ಕನ್ನಡ, മലയാളം, मराठी, ଓଡ଼ିଆ, ਪੰਜਾਬੀ, தமிழ், తెలుగు, ಮತ್ತು हिन्दी

ಸೇವಾ ನಿಯಮಗಳು

ದಿನಾಂಕ: ಜನವರಿ 5, 2022

ಸೇವಾ ನಿಯಮಗಳು

YouTube ಗೆ ಸುಸ್ವಾಗತ!

ಪರಿಚಯ

ಪ್ಲ್ಯಾಟ್‌ಫಾರ್ಮ್‌ನ  ಮೂಲಕ ನಿಮಗೆ ಒದಗಿಸಿದ YouTube  ಉತ್ಪನ್ನಗಳು, ಸೇವೆಗಳು ಮತ್ತು ಫೀಚರ್‌ಗಳನ್ನು (ಒಟ್ಟಾರೆಯಾಗಿ, “ಸೇವೆ”) ಬಳಸಿದ್ದಕ್ಕಾಗಿ ಧನ್ಯವಾದಗಳು.  

ನಮ್ಮ ಸೇವೆ

ಸೇವೆಯು ನಿಮಗೆ ವೀಡಿಯೊಗಳು ಮತ್ತು ಇತರ ಕಂಟೆಂಟ್ ಅನ್ನು ಅನ್ವೇಷಿಸಲು, ವೀಕ್ಷಿಸಲು ಮತ್ತು ಹಂಚಿಕೊಳ್ಳಲು ಅನುಮತಿಸುತ್ತದೆ, ಜಗತ್ತಿನಾದ್ಯಂತ ಇತರರನ್ನು ಸಂಪರ್ಕಿಸಲು, ತಿಳಿಸಲು ಮತ್ತು ಪ್ರೇರೇಪಿಸಲು ಜನರಿಗೆ ಫೋರಮ್ ಅನ್ನು ಒದಗಿಸುತ್ತದೆ ಹಾಗೂ ದೊಡ್ಡ ಮತ್ತು ಸಣ್ಣ ಮಟ್ಟದ ಮೂಲ ಕಂಟೆಂಟ್ ರಚನೆಕಾರರು ಮತ್ತು ಜಾಹೀರಾತುದಾರರಿಗೆ ವಿತರಣಾ ಪ್ಲ್ಯಾಟ್‌ಫಾರ್ಮ್ ಆಗಿ ಕಾರ್ಯನಿರ್ವಹಿಸುತ್ತದೆ. ನಮ್ಮ ಉತ್ಪನ್ನಗಳು ಮತ್ತು ಅವುಗಳನ್ನು ಹೇಗೆ ಬಳಸುವುದು ಎಂಬುದರ ಕುರಿತು ನಾವು ನಮ್ಮ ಸಹಾಯ ಕೇಂದ್ರದಲ್ಲಿ ಸಾಕಷ್ಟು ಮಾಹಿತಿಯನ್ನು ಒದಗಿಸುತ್ತೇವೆ. ಇತರ ವಿಷಯಗಳ ಪೈಕಿ, ನೀವು YouTube Kids, YouTube ಪಾಲುದಾರ ಕಾರ್ಯಕ್ರಮ ಮತ್ತು YouTube ಪೇಯ್ಡ್ ಸದಸ್ಯತ್ವಗಳು ಮತ್ತು ಖರೀದಿಗಳ (ಲಭ್ಯವಿರುವಲ್ಲಿ) ಕುರಿತು ತಿಳಿದುಕೊಳ್ಳಬಹುದು. ನಿಮ್ಮ ದೂರದರ್ಶನ, ನಿಮ್ಮ ಗೇಮ್‌ಗಳ ಕನ್ಸೋಲ್ ಅಥವಾ Google Home ನಂತಹ ಇತರ ಸಾಧನಗಳಲ್ಲಿ ಕಂಟೆಂಟ್ ಅನ್ನು ಆನಂದಿಸುವುದರ ಕುರಿತು ಸಹ ನೀವು ಎಲ್ಲವನ್ನೂ ಓದಬಹುದು.

ನಿಮ್ಮ ಸೇವೆ ಒದಗಿಸುವವರು

ಸೇವೆಯನ್ನು ಒದಗಿಸುವ ಘಟಕವು Google LLC ಆಗಿದೆ, ಡೆಲವೇರ್ ಕಾನೂನುಗಳ ಅಡಿಯಲ್ಲಿ ಕಾರ್ಯನಿರ್ವಹಿಸುವ ಕಂಪನಿಯಾಗಿದೆ, ಇದು 1600 Amphitheatre Parkway, Mountain View, CA 94043 ನಲ್ಲಿದೆ (“YouTube”, “ನಾವು”, “ನಮಗೆ”, ಅಥವಾ “ನಮ್ಮ ಎಂದು ಉಲ್ಲೇಖಿಸಲಾಗಿದೆ”). ಈ ನಿಯಮಗಳಲ್ಲಿ YouTube ನ “ಅಫಿಲಿಯೇಟ್‌ಗಳು” ಎಂಬ ಉಲ್ಲೇಖಗಳು ಎಂದರೆ Alphabet Inc. ಕಾರ್ಪೊರೇಟ್ ಗುಂಪಿನಲ್ಲಿರುವ (ಈಗ ಅಥವಾ ಭವಿಷ್ಯದಲ್ಲಿ) ಇತರ ಕಂಪನಿಗಳು.

ಅನ್ವಯಿಸುವ ನಿಯಮಗಳು

ಸೇವೆಯ ನಿಮ್ಮ ಬಳಕೆಯು ಈ ನಿಯಮಗಳಿಗೆ ಒಳಪಟ್ಟಿರುತ್ತದೆ, YouTube ಸಮುದಾಯ ಮಾರ್ಗಸೂಚಿಗಳು ಮತ್ತು ಕಾಲಕಾಲಕ್ಕೆ ಅಪ್‌ಡೇಟ್ ಮಾಡಬಹುದಾದ ನೀತಿ, ಸುರಕ್ಷತೆ ಮತ್ತು ಕೃತಿಸ್ವಾಮ್ಯ ನೀತಿಗಳು (ಒಟ್ಟಿಗೆ, ಈ "ಒಪ್ಪಂದ"). ನೀವು ಸೇವೆಗೆ ಜಾಹೀರಾತು ಅಥವಾ ಪ್ರಾಯೋಜಕತ್ವಗಳನ್ನು ಒದಗಿಸಿದರೆ ಅಥವಾ ನಿಮ್ಮ ಕಂಟೆಂಟ್‌ನಲ್ಲಿ ಪಾವತಿ ಪ್ರಚಾರಗಳನ್ನು ಸಂಯೋಜಿಸಿದರೆ, ನಮ್ಮೊಂದಿಗಿನ ನಿಮ್ಮ ಒಪ್ಪಂದವು YouTube ನಲ್ಲಿ ಜಾಹೀರಾತು ಕುರಿತಾದ ನೀತಿಗಳನ್ನು ಸಹ ಒಳಗೊಂಡಿರುತ್ತದೆ. ಈ ನಿಯಮಗಳಲ್ಲಿ ಒದಗಿಸಲಾದ ಯಾವುದೇ ಇತರ ಲಿಂಕ್‌ಗಳು ಅಥವಾ ಉಲ್ಲೇಖಗಳು ಮಾಹಿತಿಯ ಬಳಕೆಗಾಗಿ ಮಾತ್ರ ಮತ್ತು ಒಪ್ಪಂದದ ಭಾಗವಾಗಿರುವುದಿಲ್ಲ.

ಈ ಒಪ್ಪಂದವನ್ನು ಎಚ್ಚರಿಕೆಯಿಂದ ಓದಿ ಮತ್ತು ನೀವು ಅದನ್ನು ಅರ್ಥಮಾಡಿಕೊಂಡಿದ್ದೀರಿ ಎಂದು ಖಚಿತಪಡಿಸಿಕೊಳ್ಳಿ. ನೀವು ಒಪ್ಪಂದವನ್ನು ಅರ್ಥಮಾಡಿಕೊಳ್ಳದಿದ್ದರೆ ಅಥವಾ ಅದರ ಯಾವುದೇ ಭಾಗವನ್ನು ಒಪ್ಪಿಕೊಳ್ಳದಿದ್ದರೆ, ಆಗ ನೀವು ಸೇವೆಯನ್ನು ಬಳಸಲಾಗುವುದಿಲ್ಲ.

ಈ ಒಪ್ಪಂದವನ್ನು ಒಪ್ಪಿಕೊಳ್ಳುವ ಮೂಲಕ, ನೀವು 18 ವರ್ಷ ಅಥವಾ ಅದಕ್ಕಿಂತ ಹೆಚ್ಚಿನ ವಯಸ್ಸಿನವರಾಗಿದ್ದೀರಿ ಮತ್ತು ಈ ಒಪ್ಪಂದವನ್ನು ಪ್ರವೇಶಿಸಲು ಹಾಗೂ ಈ ಒಪ್ಪಂದಕ್ಕೆ ಬದ್ಧರಾಗಿರಲು ಮತ್ತು ಅನುಸರಿಸಲು ಸಂಪೂರ್ಣವಾಗಿ ಸಮರ್ಥರಾಗಿದ್ದೀರಿ ಎಂದು ನೀವು ದೃಢೀಕರಿಸುತ್ತೀರಿ. ನೀವು 18 ವರ್ಷಕ್ಕಿಂತ ಕಡಿಮೆ ವಯಸ್ಸಿನವರಾಗಿದ್ದರೆ, ಕೆಳಗಿನ ನಿರ್ಬಂಧಗಳು ಮತ್ತು ಅವಶ್ಯಕತೆಗಳು ಅನ್ವಯಿಸುತ್ತವೆ.

ಯಾರು ಸೇವೆಯನ್ನು ಬಳಸಬಹುದು?

ವಯಸ್ಸಿನ ನಿರ್ಬಂಧ ಹೊಂದಿದೆ

ಸೇವೆಯನ್ನು ಬಳಸಲು ನಿಮಗೆ ಕನಿಷ್ಠ 13 ವರ್ಷ ವಯಸ್ಸಾಗಿರಬೇಕು; ಆದರೆ, ಪೋಷಕರು ಅಥವಾ ಕಾನೂನಾತ್ಮಕ ಪೋಷಕರು ಸಕ್ರಿಯಗೊಳಿಸಿದರೆ ಎಲ್ಲಾ ವಯಸ್ಸಿನ ಮಕ್ಕಳು ಸೇವೆ ಮತ್ತು YouTube Kids (ಲಭ್ಯವಿರುವಲ್ಲಿ) ಬಳಸಬಹುದು. 

ಪೋಷಕರ ಅಥವಾ ಪಾಲಕರ ಅನುಮತಿ

ನಿಮ್ಮ ದೇಶದಲ್ಲಿ ನಿಮ್ಮನ್ನು ಅಪ್ರಾಪ್ತ ಎಂದು ಪರಿಗಣಿಸಿದರೆ, ಸೇವೆಯನ್ನು ಬಳಸುವುದಕ್ಕೆ ನಿಮ್ಮ ಪೋಷಕರು ಅಥವಾ ಪಾಲಕರ ಅನುಮತಿಯನ್ನು ನೀವು ಹೊಂದಿರಬೇಕು. ದಯವಿಟ್ಟು ಅವರು ನಿಮ್ಮೊಂದಿಗೆ ಈ ಒಪ್ಪಂದವನ್ನು ಓದುವಂತೆ ಮಾಡಿ.

ನೀವು ನಿಮ್ಮ ದೇಶದಲ್ಲಿ ಅಪ್ರಾಪ್ತ ಎಂದು ಪರಿಗಣಿಸುವ ಬಳಕೆದಾರರ ಪೋಷಕರು ಅಥವಾ ಕಾನೂನಾತ್ಮಕ ಪೋಷಕರಾಗಿದ್ದರೆ, ನಿಮ್ಮ ಮಗುವಿಗೆ ಸೇವೆಯನ್ನು ಬಳಸಲು ಅನುಮತಿಸುವ ಮೂಲಕ, ನೀವು ಈ ಒಪ್ಪಂದದ ನಿಯಮಗಳಿಗೆ ಒಳಪಟ್ಟಿರುತ್ತೀರಿ ಮತ್ತು ಸೇವೆಯಲ್ಲಿನ ನಿಮ್ಮ ಮಗುವಿನ ಚಟುವಟಿಕೆಗೆ ಜವಾಬ್ದಾರರಾಗಿರುತ್ತೀರಿ. ನಮ್ಮ ಸಹಾಯ ಕೇಂದ್ರದಲ್ಲಿ ಮತ್ತು Google ನ Family Link ಮೂಲಕ YouTube ನಲ್ಲಿ ನಿಮ್ಮ ಕುಟುಂಬದ ಅನುಭವವನ್ನು ನಿರ್ವಹಿಸಲು (13 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಗುವಿಗೆ ಸೇವೆ ಮತ್ತು YouTube Kids ಅನ್ನು ಬಳಸಲು ಹೇಗೆ ಸಕ್ರಿಯಗೊಳಿಸುವುದು ಸೇರಿದಂತೆ) ನಿಮಗೆ ಸಹಾಯ ಮಾಡುವ ಪರಿಕರಗಳು ಮತ್ತು ಮಾಹಿತಿಯ ಮೂಲಗಳನ್ನು ನೀವು ಕಂಡುಕೊಳ್ಳಬಹುದು.

ವ್ಯಾಪಾರಗಳು

ನೀವು ಕಂಪನಿ ಅಥವಾ ಸಂಸ್ಥೆಯ ಪರವಾಗಿ ಸೇವೆಯನ್ನು ಬಳಸುತ್ತಿದ್ದರೆ, ಆ ಘಟಕದ ಪರವಾಗಿ ಕಾರ್ಯನಿರ್ವಹಿಸಲು ನಿಮಗೆ ಅಧಿಕಾರವಿದೆ ಮತ್ತು ಅಂತಹ ಘಟಕವು ಈ ಒಪ್ಪಂದವನ್ನು ಒಪ್ಪಿಕೊಳ್ಳುತ್ತದೆ ಎಂದು ನೀವು ಪ್ರತಿನಿಧಿಸುತ್ತೀರಿ.

ಸೇವೆಯ ನಿಮ್ಮ ಬಳಕೆ

ಸೇವೆಯಲ್ಲಿನ ಕಂಟೆಂಟ್

ಸೇವೆಯಲ್ಲಿನ ಕಂಟೆಂಟ್ ವೀಡಿಯೊಗಳು, ಆಡಿಯೊ (ಉದಾಹರಣೆಗೆ ಸಂಗೀತ ಮತ್ತು ಇತರ ಧ್ವನಿಗಳು), ಗ್ರಾಫಿಕ್ಸ್, ಫೋಟೋಗಳು, ಪಠ್ಯ (ಉದಾಹರಣೆಗೆ, ಕಾಮೆಂಟ್‌ಗಳು ಮತ್ತು ಸ್ಕ್ರಿಪ್ಟ್‌ಗಳು), ಬ್ರ್ಯಾಂಡಿಂಗ್ (ಟ್ರೇಡ್ ಹೆಸರುಗಳು, ಟ್ರೇಡ್‌ಮಾರ್ಕ್‌ಗಳು, ಸೇವಾ ಗುರುತುಗಳು ಅಥವಾ ಲೋಗೋಗಳು ಸೇರಿದಂತೆ), ಸಂವಾದಾತ್ಮಕ ಫೀಚರ್‌ಗಳು, ಸಾಫ್ಟ್‌ವೇರ್, ಮೆಟ್ರಿಕ್‌ಗಳು ಮತ್ತು ಇತರ ವಸ್ತುಗಳನ್ನು ಒಳಗೊಂಡಿರುತ್ತದೆ (ಒಟ್ಟಾರೆಯಾಗಿ, "ಕಂಟೆಂಟ್”).

ಕಂಟೆಂಟ್, ಸೇವೆಗೆ ಒದಗಿಸುವ ವ್ಯಕ್ತಿ ಅಥವಾ ಘಟಕದ ಜವಾಬ್ದಾರಿಯಾಗಿದೆ. ಕಂಟೆಂಟ್ ಅನ್ನು ಹೋಸ್ಟ್ ಮಾಡಲು ಅಥವಾ ವಿತರಿಸಲು YouTube ಯಾವುದೇ ಬಾಧ್ಯತೆ ಹೊಂದಿಲ್ಲ. ಸಮುದಾಯ ಮಾರ್ಗಸೂಚಿಗಳು ಅಥವಾ ಕಾನೂನನ್ನು ಉಲ್ಲಂಘಿಸುವುದು ಸೇರಿದಂತೆ ಈ ಒಪ್ಪಂದಕ್ಕೆ ಬದ್ಧವಾಗಿಲ್ಲ ಎಂದು ನೀವು ನಂಬುವ ಯಾವುದೇ ಕಂಟೆಂಟ್ ಅನ್ನು ನೀವು ನೋಡಿದರೆ, ನೀವು ಅದನ್ನು ನಮಗೆ ವರದಿ ಮಾಡಬಹುದು.

Google ಖಾತೆಗಳು ಮತ್ತು YouTube ಚಾನಲ್‌ಗಳು

ನೀವು Google ಖಾತೆಯನ್ನು ಹೊಂದಿರದೇ, ಬ್ರೌಸಿಂಗ್ ಮತ್ತು ಕಂಟೆಂಟ್ ಅನ್ನು ಹುಡುಕುವಂತಹ ಸೇವೆಯ ಭಾಗಗಳನ್ನು ಬಳಸಬಹುದು. ಆದರೆ, ಕೆಲವು ಫೀಚರ್‌ಗಳನ್ನು ಬಳಸಲು ನಿಮಗೆ Google ಖಾತೆಯ ಅಗತ್ಯವಿದೆ. Google ಖಾತೆಯ ಮೂಲಕ, ನೀವು ವೀಡಿಯೊಗಳನ್ನು ಇಷ್ಟಪಡಬಹುದು, ಚಾನಲ್‌ಗಳಿಗೆ ಸಬ್‌ಸ್ಕ್ರೈಬ್ ಮಾಡಬಹುದು, ನಿಮ್ಮ ಸ್ವಂತ YouTube ಚಾನಲ್ ಅನ್ನು ರಚಿಸಬಹುದು ಮತ್ತು ಹೆಚ್ಚಿನದನ್ನು ಮಾಡಬಹುದು. Google ಖಾತೆಯನ್ನು ರಚಿಸಲು ನೀವು ಈ ಸೂಚನೆಗಳನ್ನು ಅನುಸರಿಸಬಹುದು.

YouTube ಚಾನಲ್ ಅನ್ನು ರಚಿಸುವುದರಿಂದ ವೀಡಿಯೊಗಳನ್ನು ಅಪ್‌ಲೋಡ್ ಮಾಡುವುದು, ಕಾಮೆಂಟ್‌ಗಳನ್ನು ಮಾಡುವುದು ಅಥವಾ ಪ್ಲೇಪಟ್ಟಿಗಳನ್ನು ರಚಿಸುವಂತಹ ಹೆಚ್ಚುವರಿ ಫೀಚರ್‌ಗಳು ಮತ್ತು ಫಂಕ್ಷನ್‌ಗಳಿಗೆ ಆ್ಯಕ್ಸೆಸ್ ಅನ್ನು ನೀಡುತ್ತದೆ (ಲಭ್ಯವಿರುವಲ್ಲಿ). ನಿಮ್ಮ ಸ್ವಂತ YouTube ಚಾನಲ್ ಅನ್ನು ರಚಿಸುವುದು ಹೇಗೆ ಎಂಬುದರ ಕುರಿತು ಕೆಲವು ವಿವರಗಳು ಇಲ್ಲಿವೆ.

ನಿಮ್ಮ Google ಖಾತೆಯ ರಕ್ಷಣೆಗೆ ನಿಮ್ಮ ಪಾಸ್‌ವರ್ಡ್‌ ಅನ್ನು ಗೌಪ್ಯವಾಗಿರಿಸಿ. ಥರ್ಡ್ ಪಾರ್ಟಿ ಆ್ಯಪ್‌ಗಳಲ್ಲಿ ನಿಮ್ಮ Google ಖಾತೆಯ ಪಾಸ್‌ವರ್ಡ್ ಅನ್ನು ನೀವು ಮರುಬಳಕೆ ಮಾಡಬಾರದು. ನಿಮ್ಮ ಪಾಸ್‌ವರ್ಡ್ ಅಥವಾ Google ಖಾತೆಯ ಯಾವುದೇ ಅನಧಿಕೃತ ಬಳಕೆಯು ನಿಮ್ಮ ಗಮನಕ್ಕೆ ಬಂದರೆ ಏನು ಮಾಡಬೇಕು ಎಂಬುದು ಸೇರಿದಂತೆ ನಿಮ್ಮ Google ಖಾತೆಯನ್ನು ಸುರಕ್ಷಿತವಾಗಿರಿಸುವುದರ ಕುರಿತು ಇನ್ನಷ್ಟು ತಿಳಿಯಿರಿ.

ನಿಮ್ಮ ಮಾಹಿತಿ

ನಮ್ಮ ಗೌಪ್ಯತೆ ನೀತಿಯು ನಿಮ್ಮ ವೈಯಕ್ತಿಕ ಡೇಟಾವನ್ನು ನಾವು ಹೇಗೆ ಪರಿಗಣಿಸುತ್ತೇವೆ ಮತ್ತು ನೀವು ಸೇವೆಯನ್ನು ಬಳಸುವಾಗ ನಿಮ್ಮ ಗೌಪ್ಯತೆಯನ್ನು ಹೇಗೆ ರಕ್ಷಿಸುತ್ತೇವೆ ಎಂಬುದನ್ನು ವಿವರಿಸುತ್ತದೆ. YouTube Kids ಗೌಪ್ಯತೆ ಸೂಚನೆಯು YouTube Kids ಗೆ ನಿರ್ದಿಷ್ಟವಾದ ನಮ್ಮ ಗೌಪ್ಯತೆ ಅಭ್ಯಾಸಗಳ ಕುರಿತು ಹೆಚ್ಚುವರಿ ಮಾಹಿತಿಯನ್ನು ಒದಗಿಸುತ್ತದೆ.

ನೀವು ವೈಯಕ್ತಿಕ ಉದ್ದೇಶಗಳಿಗಾಗಿ ಅಥವಾ ಮನೆಯ ಚಟುವಟಿಕೆಗಳಿಗಾಗಿ ಆಡಿಯೊ ಅಥವಾ ಆಡಿಯೊವಿಷುವಲ್ ಕಂಟೆಂಟ್ ಅನ್ನು ಅಪ್‌ಲೋಡ್ ಮಾಡಿದ ಸಂದರ್ಭಗಳನ್ನು ಹೊರತುಪಡಿಸಿ, YouTube ಡೇಟಾ ಸಂಸ್ಕರಣಾ ನಿಯಮಗಳಿಗೆ ಅನುಸಾರವಾಗಿ ಸೇವೆಯಲ್ಲಿ ನೀವು ಅಪ್‌ಲೋಡ್ ಮಾಡಿದ ಅಂತಹ ಕಂಟೆಂಟ್ ಅನ್ನು ನಾವು ಪ್ರಕ್ರಿಯೆಗೊಳಿಸುತ್ತೇವೆ. ಇನ್ನಷ್ಟು ತಿಳಿಯಿರಿ.

ಅನುಮತಿಗಳು ಮತ್ತು ನಿರ್ಬಂಧಗಳು

ಈ ಒಪ್ಪಂದ ಮತ್ತು ಅನ್ವಯವಾಗುವ ಕಾನೂನನ್ನು ನೀವು ಅನುಸರಿಸುವವರೆಗೆ, ನಿಮಗೆ ಲಭ್ಯವಾಗುವಂತೆ ಸೇವೆಯನ್ನು ನೀವು ಬಳಸಬಹುದು. ನಿಮ್ಮ ವೈಯಕ್ತಿಕ, ವಾಣಿಜ್ಯೇತರ ಬಳಕೆಗಾಗಿ ನೀವು ಕಂಟೆಂಟ್ ಅನ್ನು ವೀಕ್ಷಿಸಬಹುದು ಅಥವಾ ಕೇಳಬಹುದು. ಎಂಬೆಡ್ ಮಾಡಬಹುದಾದ YouTube ಪ್ಲೇಯರ್ ಮೂಲಕ ನೀವು YouTube ವೀಡಿಯೊಗಳನ್ನು ಸಹ ತೋರಿಸಬಹುದು.

ಸೇವೆಯ ನಿಮ್ಮ ಬಳಕೆಗೆ ಈ ಕೆಳಗಿನ ನಿರ್ಬಂಧಗಳು ಅನ್ವಯಿಸುತ್ತವೆ. ನಿಮಗೆ ಇವುಗಳನ್ನು ಮಾಡಲು ಅವಕಾಶವಿಲ್ಲ:

1. ಸೇವೆಯ ಯಾವುದೇ ಭಾಗ ಅಥವಾ ಯಾವುದೇ ಕಂಟೆಂಟ್ ಅನ್ನು ಆ್ಯಕ್ಸೆಸ್ ಮಾಡಲು, ಪುನರುತ್ಪಾದಿಸಲು, ಡೌನ್‌ಲೋಡ್ ಮಾಡಲು, ವಿತರಿಸಲು, ಪ್ರಸಾರ ಮಾಡಲು, ಬ್ರಾಡ್‌ಕಾಸ್ಟ್ ಮಾಡಲು, ಪ್ರದರ್ಶಿಸಲು, ಮಾರಾಟ ಮಾಡಲು, ಪರವಾನಗಿ ನೀಡಲು, ಬದಲಾವಣೆ ಮಾಡಲು, ಮಾರ್ಪಡಿಸಲು ಅವಕಾಶವಿಲ್ಲ, ಆದರೆ ಈ ಸಂದರ್ಭಗಳನ್ನು ಹೊರತುಪಡಿಸಿದೆ: (a) ಸೇವೆಯಿಂದ ಸ್ಪಷ್ಟವಾಗಿ ಅಧಿಕೃತಗೊಳಿಸಿರುವುದು; ಅಥವಾ (b) YouTube ಮತ್ತು ಅನ್ವಯಿಸಿದರೆ ಸಂಬಂಧಿತ ಹಕ್ಕುದಾರರ ಪೂರ್ವಲಿಖಿತ ಅನುಮತಿಯಿರುವುದು; 
2. ಭದ್ರತೆಗೆ ಸಂಬಂಧಿಸಿದ ಫೀಚರ್‌ಗಳು ಅಥವಾ (a) ಕಂಟೆಂಟ್‌ನ ನಕಲು ಅಥವಾ ಇತರ ಬಳಕೆಯನ್ನು ತಡೆಯುವ ಅಥವಾ ನಿರ್ಬಂಧಿಸುವ ಅಥವಾ (b) ಸೇವೆ ಅಥವಾ ಕಂಟೆಂಟ್‌ನ ಬಳಕೆಯನ್ನು ಮಿತಿಗೊಳಿಸುವ ಫೀಚರ್‌ಗಳನ್ನು ಒಳಗೊಂಡಂತೆ, ಸೇವೆಯ ಯಾವುದೇ ಭಾಗವನ್ನು ತಪ್ಪಿಸಿಕೊಳ್ಳುವುದು, ನಿಷ್ಕ್ರಿಯಗೊಳಿಸುವುದು, ಮೋಸದಿಂದ ತೊಡಗಿಸಿಕೊಳ್ಳುವುದು ಅಥವಾ ಅದರಲ್ಲಿ ಹಸ್ತಕ್ಷೇಪ ಮಾಡುವುದು (ಅಥವಾ ಇವುಗಳಲ್ಲಿ ಯಾವುದನ್ನಾದರೂ ಮಾಡಲು ಪ್ರಯತ್ನಿಸುವುದು);
3. ಯಾವುದೇ ಸ್ವಯಂಚಾಲಿತ ವಿಧಾನಗಳನ್ನು ಬಳಸಿಕೊಂಡು ಸೇವೆಯನ್ನು ಆ್ಯಕ್ಸೆಸ್ ಮಾಡುವುದು (ಉದಾಹರಣೆಗೆ ರೋಬೋಟ್‌ಗಳು, ಬಾಟ್‌ನೆಟ್‌ಗಳು ಅಥವಾ ಸ್ಕ್ರಾಪರ್‌ಗಳು), ಇವುಗಳನ್ನು ಹೊರತುಪಡಿಸಿದೆ (a) YouTube ನ robots.txt ಫೈಲ್‌ಗೆ ಅನುಗುಣವಾಗಿ ಸಾರ್ವಜನಿಕ ಹುಡುಕಾಟ ಎಂಜಿನ್‌ಗಳ ಸಂದರ್ಭದಲ್ಲಿ; (b) YouTube ನ ಪೂರ್ವಲಿಖಿತ ಅನುಮತಿಯಿರುವುದು;
4. ಸಂಬಂಧಪಟ್ಟ ವ್ಯಕ್ತಿಯು ಅನುಮತಿಸದ ಹೊರತು ಅಥವಾ ಮೇಲಿನ ವಿಭಾಗ (3) ಅಡಿಯಲ್ಲಿ ಅನುಮತಿಸದ ಹೊರತು, ಆ ವ್ಯಕ್ತಿಯನ್ನು ಗುರುತಿಸಬಹುದಾದ ಯಾವುದೇ ಮಾಹಿತಿಯನ್ನು ಸಂಗ್ರಹಿಸುವುದು ಅಥವಾ ಹಾರ್ವೆಸ್ಟ್ ಮಾಡುವುದು (ಉದಾಹರಣೆಗೆ, ಬಳಕೆದಾರ ಹೆಸರುಗಳು ಅಥವಾ ಮುಖಗಳು);
5. ಅಪೇಕ್ಷಿಸದ ಪ್ರಚಾರ ಅಥವಾ ವಾಣಿಜ್ಯ ಕಂಟೆಂಟ್ ಅಥವಾ ಇತರ ಅನಗತ್ಯ ಅಥವಾ ಸಾಮೂಹಿಕ ವಿಜ್ಞಾಪನೆಗಳನ್ನು ವಿತರಿಸಲು ಸೇವೆಯನ್ನು ಬಳಸುವುದು;
6. ಜನರಿಗೆ ಪಾವತಿಸುವ ಮೂಲಕ ಅಥವಾ ವೀಡಿಯೊದ ವೀಕ್ಷಣೆಗಳು, ಲೈಕ್‌ಗಳು ಅಥವಾ ಡಿಸ್‌ಲೈಕ್‌ಗಳನ್ನು ಹೆಚ್ಚಿಸಲು ಅಥವಾ ಚಾನಲ್‌ನ ಸಬ್‌ಸ್ಕ್ರೈಬರ್‌ಗಳನ್ನು ಹೆಚ್ಚಿಸಲು ಅಥವಾ ಯಾವುದೇ ರೀತಿಯಲ್ಲಿ ಮೆಟ್ರಿಕ್‌ಗಳನ್ನು ಮ್ಯಾನಿಪುಲೇಟ್ ಮಾಡಲು ಅವರಿಗೆ ಇನ್‌ಸೆಂಟಿವ್‌ಗಳನ್ನು ಒದಗಿಸುವುದು ಸೇರಿದಂತೆ ಸೇವೆಯೊಂದಿಗೆ ನಿಜವಾದ ಬಳಕೆದಾರರ ತೊಡಗಿಸಿಕೊಳ್ಳುವ ಯಾವುದೇ ತಪ್ಪಾದ ಅಳತೆಗಳನ್ನು ಉಂಟುಮಾಡುವುದು ಅಥವಾ ಪ್ರೋತ್ಸಾಹಿಸುವುದು;
7. ಆಧಾರರಹಿತ, ವಿಷಾದಕರ ಅಥವಾ ಕ್ಷುಲ್ಲಕ ಸಲ್ಲಿಕೆಗಳನ್ನು ಮಾಡುವುದು ಸೇರಿದಂತೆ, ಯಾವುದೇ ವರದಿ ಮಾಡುವಿಕೆ, ಫ್ಲ್ಯಾಗ್ ಮಾಡುವಿಕೆ, ದೂರು, ವಿವಾದ ಅಥವಾ ಮೇಲ್ಮನವಿಗಳ ಪ್ರಕ್ರಿಯೆಯನ್ನು ದುರುಪಯೋಗಪಡಿಸಿಕೊಳ್ಳುವುದು;
8. YouTube ನ ಸ್ಪರ್ಧೆಯ ನೀತಿಗಳು ಮತ್ತು ಮಾರ್ಗಸೂಚಿಗಳನ್ನು ಅನುಸರಿಸದ ಸೇವೆಯ ಮೂಲಕ ಅಥವಾ ಅದರ ಮೂಲಕ ಸ್ಪರ್ಧೆಗಳನ್ನು ನಡೆಸುವುದು;
9. ವೈಯಕ್ತಿಕ, ವಾಣಿಜ್ಯೇತರ ಬಳಕೆಗಾಗಿ ಹೊರತುಪಡಿಸಿ ಕಂಟೆಂಟ್ ಅನ್ನು ವೀಕ್ಷಿಸಲು ಅಥವಾ ಕೇಳಲು ಸೇವೆಯನ್ನು ಬಳಸುವುದು
10. (ಉದಾಹರಣೆಗೆ, ನೀವು ಸಾರ್ವಜನಿಕವಾಗಿ ಸೇವೆಯಿಂದ ವೀಡಿಯೊಗಳನ್ನು ಪ್ರದರ್ಶಿಸಬಾರದು ಅಥವಾ ಸಂಗೀತವನ್ನು ಸ್ಟ್ರೀಮ್ ಮಾಡಬಾರದು); ಅಥವಾ
11. ಇವುಗಳಿಗೆ ಸೇವೆಯನ್ನು ಬಳಸುವುದು (a) YouTube ನಲ್ಲಿನ ಜಾಹೀರಾತು ನೀತಿಗಳಲ್ಲಿ ಅನುಮತಿಸಿರುವುದನ್ನು (ಅನುಸರಣೆಯ ಉತ್ಪನ್ನ ಸ್ಥಾನ ನಿಯೋಜನೆಗಳಂತಹ) ಹೊರತುಪಡಿಸಿ, ಸೇವೆ ಅಥವಾ ಕಂಟೆಂಟ್‌ನೊಳಗೆ, ಸುತ್ತಲೂ ಅಥವಾ ಒಳಗೆ ಇರಿಸಲಾದ ಯಾವುದೇ ಜಾಹೀರಾತು, ಪ್ರಾಯೋಜಕತ್ವಗಳು ಅಥವಾ ಪ್ರಚಾರಗಳನ್ನು ಮಾರಾಟ ಮಾಡಲು; ಅಥವಾ (b) ಸೇವೆಯಲ್ಲಿನ ಕಂಟೆಂಟ್ ಅನ್ನು ಮಾತ್ರ ಒಳಗೊಂಡಿರುವ ಅಥವಾ ಸೇವೆಯ ಕಂಟೆಂಟ್ ಅನ್ನು ಅಂತಹ ಮಾರಾಟಕ್ಕೆ ಪ್ರಾಥಮಿಕ ಆಧಾರವಾಗಿರುವ ಯಾವುದೇ ವೆಬ್‌ಸೈಟ್ ಅಥವಾ ಆ್ಯಪ್‌ನ ಯಾವುದೇ ಪುಟದಲ್ಲಿ ಜಾಹೀರಾತು, ಪ್ರಾಯೋಜಕತ್ವಗಳು ಅಥವಾ ಪ್ರಚಾರಗಳನ್ನು ಮಾರಾಟ ಮಾಡಲು (ಉದಾಹರಣೆಗೆ, ವೆಬ್‌ಪುಟಕ್ಕೆ ಭೇಟಿ ನೀಡುವ ಬಳಕೆದಾರರಿಗೆ YouTube ವೀಡಿಯೊಗಳು ಪ್ರಮುಖ ಆಕರ್ಷಣೆಯಾಗಿರುವ ವೆಬ್‌ಪುಟದಲ್ಲಿ ಜಾಹೀರಾತುಗಳನ್ನು ಮಾರಾಟ ಮಾಡುವುದು).

ಕಾಯ್ದಿರಿಸುವಿಕೆ

ಸೇವೆಯನ್ನು ಬಳಸುವುದರಿಂದ, ಬಳಕೆದಾರರ ಹೆಸರುಗಳು ಅಥವಾ ಇತರರು ಅಥವಾ YouTube ಪೋಸ್ಟ್ ಮಾಡಿದ ಯಾವುದೇ ಇತರ ಕಂಟೆಂಟ್ ಸೇರಿದಂತೆ ಸೇವೆಯ ಯಾವುದೇ ಅಂಶದ ಮಾಲೀಕತ್ವವನ್ನು ಅಥವಾ ಹಕ್ಕುಗಳನ್ನು ನಿಮಗೆ ನೀಡುವುದಿಲ್ಲ).

ಸೇವೆಯನ್ನು ಅಭಿವೃದ್ಧಿಪಡಿಸಿ, ಸುಧಾರಿಸಿ ಮತ್ತು ಅಪ್‌ಡೇಟ್ ಮಾಡಿ

YouTube ಸೇವೆಯನ್ನು ನಿರಂತರವಾಗಿ ಬದಲಾಯಿಸುತ್ತಿದೆ ಮತ್ತು ಸುಧಾರಿಸುತ್ತಿದೆ. ಈ ನಿರಂತರ ವಿಕಸನದ ಭಾಗವಾಗಿ, ಫೀಚರ್‌ಗಳು ಮತ್ತು ಕಾರ್ಯಗಳನ್ನು ಸೇರಿಸುವುದು ಅಥವಾ ತೆಗೆದುಹಾಕುವುದು, ಹೊಸ ಡಿಜಿಟಲ್ ಕಂಟೆಂಟ್ ಅಥವಾ ಸೇವೆಗಳನ್ನು ನೀಡುವುದು ಅಥವಾ ಹಳೆಯದನ್ನು ಸ್ಥಗಿತಗೊಳಿಸುವಂತಹ ಮಾರ್ಪಾಡುಗಳು ಅಥವಾ ಬದಲಾವಣೆಗಳನ್ನು (ಸೇವೆಯ ಎಲ್ಲಾ ಅಥವಾ ಭಾಗಕ್ಕೆ) ನಾವು ಮಾಡಬಹುದು. ಕಾರ್ಯಕ್ಷಮತೆ ಅಥವಾ ಭದ್ರತಾ ಸುಧಾರಣೆಗಳನ್ನು ಮಾಡಲು, ಕಾನೂನನ್ನು ಅನುಸರಿಸಲು ಬದಲಾವಣೆಗಳನ್ನು ಮಾಡಲು ಅಥವಾ ನಮ್ಮ ಸಿಸ್ಟಂಗಳ ಮೇಲೆ ಕಾನೂನುಬಾಹಿರ ಚಟುವಟಿಕೆಗಳನ್ನು ಅಥವಾ ದುರುಪಯೋಗವನ್ನು ತಡೆಯಲು ನಾವು ಸೇವೆಯನ್ನು ಅಥವಾ ಅದರ ಯಾವುದೇ ಭಾಗವನ್ನು ಬದಲಾಯಿಸಬೇಕಾಗಬಹುದು ಅಥವಾ ಸ್ಥಗಿತಗೊಳಿಸಬೇಕಾಗಬಹುದು. ಈ ಬದಲಾವಣೆಗಳು ಎಲ್ಲಾ ಬಳಕೆದಾರರು, ಕೆಲವು ಬಳಕೆದಾರರು ಅಥವಾ ಪ್ರತ್ಯೇಕ ಬಳಕೆದಾರರ ಮೇಲೂ ಪರಿಣಾಮ ಬೀರಬಹುದು. ಸೇವೆಗೆ ಡೌನ್‌ಲೋಡ್ ಮಾಡಬಹುದಾದ ಸಾಫ್ಟ್‌ವೇರ್ (YouTube Studio ಆ್ಯಪ್‌ನಂತಹ) ಅಗತ್ಯವಿರುವಾಗ ಅಥವಾ ಒಳಗೊಂಡಿರುವಾಗ, ನಿಮ್ಮ ಸಾಧನದ ಸೆಟ್ಟಿಂಗ್‌ಗಳಿಗೆ ಒಳಪಟ್ಟು ಹೊಸ ಆವೃತ್ತಿ ಅಥವಾ ಫೀಚರ್ ಲಭ್ಯವಾದಾಗ ಆ ಸಾಫ್ಟ್‌ವೇರ್ ನಿಮ್ಮ ಸಾಧನದಲ್ಲಿ ಸ್ವಯಂಚಾಲಿತವಾಗಿ ಅಪ್‌ಡೇಟ್ ಮಾಡಬಹುದು. ಸೇವೆಯ ನಿಮ್ಮ ಬಳಕೆಯ ಮೇಲೆ ನಕಾರಾತ್ಮಕ ಪರಿಣಾಮ ಬೀರುವ ಭೌತಿಕ ಬದಲಾವಣೆಗಳನ್ನು ನಾವು ಮಾಡಿದರೆ, ದುರ್ಬಳಕೆಯನ್ನು ತಡೆಗಟ್ಟುವುದು, ಕಾನೂನು ಅವಶ್ಯಕತೆಗಳಿಗೆ ಸ್ಪಂದಿಸುವುದು ಅಥವಾ ಭದ್ರತೆ ಮತ್ತು ಕಾರ್ಯನಿರ್ವಹಣೆ ಸಮಸ್ಯೆಗಳನ್ನು ಪರಿಹರಿಸುವಂತಹ ತುರ್ತು ಸಂದರ್ಭಗಳನ್ನು ಹೊರತುಪಡಿಸಿ, ನಿಮಗೆ ಸಮಂಜಸವಾದ ಮುಂಗಡ ಸೂಚನೆಯನ್ನು ನಾವು ನೀಡುತ್ತೇವೆ. Google Takeout, Google Takeout ಬಳಸಿಕೊಂಡು ನಿಮ್ಮ Google ಖಾತೆಯಿಂದ ನಿಮ್ಮ ಕಂಟೆಂಟ್ ಅನ್ನು ರಫ್ತು ಮಾಡುವ ಅವಕಾಶವನ್ನು ಸಹ ನಿಮಗೆ ಒದಗಿಸುತ್ತೇವೆ, ಇದು ಅನ್ವಯವಾಗುವ ಕಾನೂನು ಮತ್ತು ನೀತಿಗಳಿಗೆ ಒಳಪಟ್ಟಿರುತ್ತದೆ.

ನಿಮ್ಮ ಕಂಟೆಂಟ್ ಮತ್ತು ನಡವಳಿಕೆ

ಕಂಟೆಂಟ್ ಅಪ್‌ಲೋಡ್ ಮಾಡುವಿಕೆ

ನೀವು YouTube ಚಾನಲ್ ಹೊಂದಿದ್ದರೆ, ಸೇವೆಗೆ ಕಂಟೆಂಟ್ ಅನ್ನು ಅಪ್‌ಲೋಡ್ ಮಾಡಲು ನಿಮಗೆ ಸಾಧ್ಯವಾಗಬಹುದು. ನಿಮ್ಮ ವ್ಯಾಪಾರ ಅಥವಾ ಕಲಾತ್ಮಕ ಉದ್ಯಮವನ್ನು ಪ್ರಚಾರ ಮಾಡಲು ನಿಮ್ಮ ಕಂಟೆಂಟ್ ಅನ್ನು ನೀವು ಬಳಸಬಹುದು. ನೀವು ಕಂಟೆಂಟ್ ಅನ್ನು ಅಪ್‌ಲೋಡ್ ಮಾಡಲು ಆಯ್ಕೆಮಾಡಿದರೆ, ಈ ಒಪ್ಪಂದಕ್ಕೆ (YouTube ಸಮುದಾಯ ಮಾರ್ಗಸೂಚಿಗಳನ್ನು ಒಳಗೊಂಡಂತೆ) ಅಥವಾ ಅನ್ವಯಿಸುವ ಕಾನೂನಿಗೆ(ಗಳಿಗೆ) ಅನುಗುಣವಾಗಿಲ್ಲದ ಯಾವುದೇ ಕಂಟೆಂಟ್ ಅನ್ನು ನೀವು ಸೇವೆಗೆ ಸಲ್ಲಿಸಬಾರದು.

ನಿರ್ದಿಷ್ಟವಾಗಿ, ಕಂಟೆಂಟ್ ಇವುಗಳನ್ನು ಅನುಸರಿಸಬೇಕು:

a. ಗೌಪ್ಯತೆ ಸೇರಿದಂತೆ ಇತರರ ಹಕ್ಕುಗಳನ್ನು ಗೌರವಿಸಬೇಕು;

b. ನೀವು ಥರ್ಡ್ ಪಾರ್ಟಿಯಿಂದ ಅನುಮತಿಯನ್ನು ಹೊಂದಿಲ್ಲದಿದ್ದರೆ ಅಥವಾ ಕಾನೂನುಬದ್ಧವಾಗಿ ಹಾಗೆ ಮಾಡಲು ಅರ್ಹತೆ ಹೊಂದಿರದಿದ್ದರೆ ನೀವು ಆ ಪಾರ್ಟಿಯ ಬೌದ್ಧಿಕ ಆಸ್ತಿಯನ್ನು ಒಳಗೊಂಡಿರಬಾರದು (ಉದಾಹರಣೆಗೆ ಹಕ್ಕುಸ್ವಾಮ್ಯ ವಸ್ತು);

c. ಮಕ್ಕಳನ್ನೂ ಸೇರಿದಂತೆ ನಿಮ್ಮನ್ನು ಅಥವಾ ಇತರರನ್ನು ನಿಂದಿಸಬಾರದು ಅಥವಾ ಹಾನಿ ಮಾಡಬಾರದು (ಅಥವಾ ಅಂತಹ ನಿಂದನೆ ಅಥವಾ ಹಾನಿಯನ್ನು ಬೆದರಿಸುವುದು ಅಥವಾ ಪ್ರೋತ್ಸಾಹಿಸುವುದು);

d. ದಾರಿತಪ್ಪಿಸಬಾರದು, ನಿಷ್ಠುರವಾಗಿ ಸುಳ್ಳು ಹೇಳಬಾರದು ಅಥವಾ ವಂಚನೆ ಮಾಡಬಾರದು;

e. ಕಾನೂನುಬಾಹಿರವಾಗಿ ಸೋಗು ಹಾಕಬಾರದು, ಮಾನಹಾನಿ ಮಾಡಬಾರದು, ಬೆದರಿಸಬಾರದು, ಕಿರುಕುಳ ನೀಡಬಾರದು, ಅಶ್ಲೀಲವಾಗಿರಬಾರದು ಅಥವಾ ಇತರರನ್ನು ಹಿಂಬಾಲಿಸಬಾರದು;

f. ಅನ್ವಯವಾಗುವ ಕಾನೂನುಗಳ ಉಲ್ಲಂಘನೆಯನ್ನು ಪ್ರಚೋದಿಸಬಾರದು;

g. ಸೇವೆಗಳನ್ನು ದುರುಪಯೋಗಪಡಿಸಿಕೊಳ್ಳಬಾರದು, ಹಾನಿ ಮಾಡಬಾರದು, ಮಧ್ಯಪ್ರವೇಶಿಸಬಾರದು ಅಥವಾ ಅಡ್ಡಿಪಡಿಸಬಾರದು — ಉದಾಹರಣೆಗೆ, ಅವುಗಳನ್ನು ಮೋಸದ ಅಥವಾ ಮೋಸಗೊಳಿಸುವ ವಿಧಾನಗಳಲ್ಲಿ ಆ್ಯಕ್ಸೆಸ್ ಮಾಡುವುದು ಅಥವಾ ಬಳಸುವುದು, ಮಾಲ್‌ವೇರ್ ಪರಿಚಯಿಸುವುದು, ಅಥವಾ ಸ್ಪ್ಯಾಮಿಂಗ್, ಹ್ಯಾಕಿಂಗ್ ಅಥವಾ ನಮ್ಮ ಸಿಸ್ಟಂಗಳು ಅಥವಾ ರಕ್ಷಣಾತ್ಮಕ ಕ್ರಮಗಳನ್ನು ಬೈಪಾಸ್ ಮಾಡುವುದು.

ನೀವು ಸೇವೆಗೆ ಸಲ್ಲಿಸುವ ಕಂಟೆಂಟ್‌ಗೆ ನೀವು ಕಾನೂನುಬದ್ಧವಾಗಿ ಜವಾಬ್ದಾರರಾಗಿರುತ್ತೀರಿ. ಸ್ಪ್ಯಾಮ್ ಮತ್ತು ಮಾಲ್‌ವೇರ್ ಸೇರಿದಂತೆ ಉಲ್ಲಂಘನೆ ಮತ್ತು ದುರುಪಯೋಗವನ್ನು ಪತ್ತೆಹಚ್ಚುವುದಕ್ಕೆ ಸಹಾಯ ಮಾಡಲು ನಿಮ್ಮ ಕಂಟೆಂಟ್ ಅನ್ನು ವಿಶ್ಲೇಷಿಸುವ ಸ್ವಯಂಚಾಲಿತ ಸಿಸ್ಟಂಗಳನ್ನು ನಾವು ಬಳಸಬಹುದು.

ನೀವು ನೀಡುವ ಹಕ್ಕುಗಳು

ನಿಮ್ಮ ಕಂಟೆಂಟ್‌ನಲ್ಲಿ ಮಾಲೀಕತ್ವದ ಹಕ್ಕುಗಳನ್ನು ನೀವು ಉಳಿಸಿಕೊಂಡಿದ್ದೀರಿ. ಆದರೆ, ಕೆಳಗೆ ವಿವರಿಸಿದಂತೆ YouTube ಮತ್ತು ಸೇವೆಯ ಇತರ ಬಳಕೆದಾರರಿಗೆ ನೀವು ಕೆಲವು ಹಕ್ಕುಗಳನ್ನು ನೀಡಬೇಕೆಂದು ನಾವು ಬಯಸುತ್ತೇವೆ.

YouTube ಗೆ ಪರವಾನಗಿ

ಸೇವೆಗೆ ಕಂಟೆಂಟ್ ಅನ್ನು ಒದಗಿಸುವ ಮೂಲಕ, ನೀವು ಆ ಕಂಟೆಂಟ್ ಅನ್ನು ಬಳಸಲು YouTube ಗೆ ವಿಶ್ವಾದ್ಯಂತ, ವಿಶೇಷವಲ್ಲದ, ರಾಯಲ್ಟಿ-ಫ್ರೀ, ವರ್ಗಾವಣೆ ಮಾಡಬಹುದಾದ, ಉಪಪರವಾನಗಿ ನೀಡಬಹುದಾದ ಪರವಾನಗಿಯನ್ನು (ಪುನರುತ್ಪಾದನೆ, ವಿತರಣೆ, ವ್ಯುತ್ಪನ್ನ ಕಾರ್ಯಗಳನ್ನು ಸಿದ್ಧಪಡಿಸುವುದು, ಪ್ರದರ್ಶಿಸುವುದು ಮತ್ತು ನಿರ್ವಹಿಸುವುದು ಸೇರಿದಂತೆ) ನೀಡುತ್ತೀರಿ. YouTube ಆ ಕಂಟೆಂಟ್ ಅನ್ನು ಈ ಮುಂದಿನ ಉದ್ದೇಶಕ್ಕಾಗಿ ಮಾತ್ರ ಬಳಸಬಹುದು, ಸೇವೆಯ ಭಾಗ ಅಥವಾ ಎಲ್ಲವನ್ನು ಪ್ರಚಾರ ಮಾಡುವ ಮತ್ತು ಮರುಹಂಚಿಕೆ ಮಾಡುವ ಉದ್ದೇಶವನ್ನು ಒಳಗೊಂಡಂತೆ ಸೇವೆ ಮತ್ತು YouTube ನ (ಮತ್ತು ಅದರ ಉತ್ತರಾಧಿಕಾರಿಗಳು’ ಮತ್ತು ಅಂಗಸಂಸ್ಥೆಗಳ) ವ್ಯವಹಾರಕ್ಕೆ ಬಳಸಬಹುದು.

ಇತರ ಬಳಕೆದಾರರಿಗೆ ಪರವಾನಗಿ

ಸೇವೆಯ ಮೂಲಕ ನಿಮ್ಮ ಕಂಟೆಂಟ್ ಅನ್ನು ಆ್ಯಕ್ಸೆಸ್ ಮಾಡಲು ಮತ್ತು ಅದನ್ನು ಪುನರುತ್ಪಾದಿಸಲು, ವಿತರಿಸಲು, ವ್ಯುತ್ಪನ್ನ ಕಾರ್ಯಗಳನ್ನು ಸಿದ್ಧಪಡಿಸಲು, ಪ್ರದರ್ಶಿಸಲು ಮತ್ತು ನಿರ್ವಹಿಸಲು ಸೇರಿದಂತೆ ಆ ಕಂಟೆಂಟ್ ಅನ್ನು ಬಳಸಲು ನೀವು ಸೇವೆಯ ಪರಸ್ಪರ ಬಳಕೆದಾರರಿಗೆ ವಿಶ್ವಾದ್ಯಂತ, ವಿಶೇಷವಲ್ಲದ, ರಾಯಲ್ಟಿ-ಫ್ರೀ, ಕೇವಲ ಸೇವೆಯ ಫೀಚರ್‌ನಿಂದ ಸಕ್ರಿಯಗೊಳಿಸಿದ ಪರವಾನಗಿಯನ್ನು (ವೀಡಿಯೊ ಪ್ಲೇಬ್ಯಾಕ್ ಅಥವಾ ಎಂಬೆಡ್‌ಗಳಂತಹ) ಸಹ ನೀಡುತ್ತೀರಿ. ಸ್ಪಷ್ಟತೆಗಾಗಿ, ಈ ಪರವಾನಗಿಯು ಸೇವೆಯಿಂದ ಸ್ವತಂತ್ರವಾಗಿ ನಿಮ್ಮ ಕಂಟೆಂಟ್ ಅನ್ನು ಬಳಸಲು ಬಳಕೆದಾರರಿಗೆ ಯಾವುದೇ ಹಕ್ಕುಗಳು ಅಥವಾ ಅನುಮತಿಗಳನ್ನು ನೀಡುವುದಿಲ್ಲ.

ಪರವಾನಗಿ ಅವಧಿ

ಸೇವೆಯಿಂದ ನಿಮ್ಮ ಕಂಟೆಂಟ್ ಅನ್ನು ತೆಗೆದುಹಾಕಿದ ಅಥವಾ ಅಳಿಸಿದ ನಂತರ ನೀವು ನೀಡಿದ ಪರವಾನಗಿಗಳು ವಾಣಿಜ್ಯಿಕವಾಗಿ ಸಮಂಜಸವಾದ ಸಮಯದವರೆಗೆ ಮುಂದುವರಿಯುತ್ತದೆ. ಆದರೂ, ತೆಗೆದುಹಾಕಲಾದ ಅಥವಾ ಅಳಿಸಲಾದ ನಿಮ್ಮ ವೀಡಿಯೊಗಳ ಸರ್ವರ್ ಪ್ರತಿಗಳನ್ನು YouTube ಉಳಿಸಿಕೊಳ್ಳಬಹುದು, ಆದರೆ ಪ್ರದರ್ಶಿಸುವುದಿಲ್ಲ, ವಿತರಿಸುವುದಿಲ್ಲ ಅಥವಾ ಪರ್ಫಾರ್ಮ್ ಮಾಡುವುದಿಲ್ಲ ಎಂದು ನೀವು ಅರ್ಥಮಾಡಿಕೊಂಡಿದ್ದೀರಿ ಮತ್ತು ಒಪ್ಪುತ್ತೀರಿ.

ಹಣಗಳಿಸುವ ಹಕ್ಕು

ಸೇವೆಯಲ್ಲಿ ನಿಮ್ಮ ಕಂಟೆಂಟ್‌ನಿಂದ ಹಣಗಳಿಸುವ ಹಕ್ಕನ್ನು ನೀವು YouTube ಗೆ ನೀಡುತ್ತೀರಿ (ಮತ್ತು ಅಂತಹ ಹಣಗಳಿಕೆಯು ಕಂಟೆಂಟ್ ಮೇಲೆ ಅಥವಾ ಒಳಗೆ ಜಾಹೀರಾತುಗಳನ್ನು ಪ್ರದರ್ಶಿಸುವುದು ಅಥವಾ ಆ್ಯಕ್ಸೆಸ್‌ಗಾಗಿ ಬಳಕೆದಾರರಿಗೆ ಶುಲ್ಕವನ್ನು ವಿಧಿಸುವುದು ಒಳಗೊಂಡಿರುತ್ತದೆ). ಈ ಒಪ್ಪಂದವು ನಿಮಗೆ ಯಾವುದೇ ಪಾವತಿಗಳಿಗೆ ಅರ್ಹತೆ ನೀಡುವುದಿಲ್ಲ. 1ನೇ ಜೂನ್, 2021 ರಿಂದ, ನಿಮ್ಮ ಮತ್ತು YouTube ನಡುವಿನ ಯಾವುದೇ ಇತರ ಒಪ್ಪಂದದ ಅಡಿಯಲ್ಲಿ ನೀವು YouTube ನಿಂದ ಸ್ವೀಕರಿಸಲು ಅರ್ಹರಾಗಿರುವ ಯಾವುದೇ ಪಾವತಿಗಳನ್ನು (ಉದಾಹರಣೆಗೆ YouTube ಪಾಲುದಾರ ಕಾರ್ಯಕ್ರಮ, ಚಾನಲ್ ಸದಸ್ಯತ್ವಗಳು ಅಥವಾ ಸೂಪರ್ ಚಾಟ್‌ನ ಅಡಿಯಲ್ಲಿನ ಪಾವತಿಗಳು ಸೇರಿದಂತೆ) ರಾಯಲ್ಟಿಗಳಾಗಿ ಪರಿಗಣಿಸಲಾಗುತ್ತದೆ.  ಕಾನೂನಿನ ಪ್ರಕಾರ ಅಗತ್ಯವಿದ್ದರೆ, Google ಅಂತಹ ಪಾವತಿಗಳಿಂದ ತೆರಿಗೆಗಳನ್ನು ವಿತ್‌ಹೋಲ್ಡ್ ಮಾಡುತ್ತದೆ.

ನಿಮ್ಮ ಕಂಟೆಂಟ್ ಅನ್ನು ತೆಗೆದುಹಾಕುವುದು

ನೀವು ಯಾವಾಗ ಬೇಕಾದರೂ ಸೇವೆಯಿಂದ ನಿಮ್ಮ ಕಂಟೆಂಟ್ ಅನ್ನು ತೆಗೆದುಹಾಕಬಹುದು. ನಿಮ್ಮ ಕಂಟೆಂಟ್ ಅನ್ನು ತೆಗೆದುಹಾಕುವ ಮೊದಲು ನಿಮ್ಮ ಕಂಟೆಂಟ್‌ನ ನಕಲನ್ನು ಮಾಡುವ ಆಯ್ಕೆಯನ್ನು ಸಹ ನೀವು ಹೊಂದಿರುವಿರಿ. ಈ ನಿಯಮಗಳಿಗೆ ಅಗತ್ಯವಿರುವ ಹಕ್ಕುಗಳನ್ನು ನೀವು ಹೊಂದಿಲ್ಲದಿದ್ದರೆ ನಿಮ್ಮ ಕಂಟೆಂಟ್ ಅನ್ನು ನೀವು ತೆಗೆದುಹಾಕಬೇಕು.

YouTube ಮೂಲಕ ಕಂಟೆಂಟ್ ಅನ್ನು ತೆಗೆದುಹಾಕುವುದು

ನಿಮ್ಮ ಯಾವುದೇ ಕಂಟೆಂಟ್ (1) ಈ ಒಪ್ಪಂದದ ಉಲ್ಲಂಘನೆಯಾಗಿದೆ ಅಥವಾ (2) YouTube, ನಮ್ಮ ಬಳಕೆದಾರರು ಅಥವಾ ಥರ್ಡ್ ಪಾರ್ಟಿಗಳಿಗೆ ಹಾನಿಯನ್ನುಂಟುಮಾಡಬಹುದು ಎಂದು ನಮಗೆ ಅನಿಸಿದರೆ, ಅನ್ವಯಿಸುವ ಕಾನೂನಿಗೆ ಅನುಗುಣವಾಗಿ ಆ ಕಂಟೆಂಟ್ ಅನ್ನು ತೆಗೆದುಹಾಕುವ ಅಥವಾ ಹಿಂತೆಗೆದುಕೊಳ್ಳುವ ಹಕ್ಕನ್ನು ನಾವು ಕಾಯ್ದಿರಿಸಿಕೊಂಡಿದ್ದೇವೆ. ನಮ್ಮ ಕ್ರಮಕ್ಕೆ ಕಾರಣವನ್ನು ನಿಮಗೆ ತಿಳಿಸುತ್ತೇವೆ ಆದರೆ ಹಾಗೆ ಮಾಡುವುದರಿಂದ ಅದು: (a) ಕಾನೂನು ಅಥವಾ ಕಾನೂನು ಜಾರಿ ಪ್ರಾಧಿಕಾರದ ನಿರ್ದೇಶನವನ್ನು ಉಲ್ಲಂಘಿಸುವುದೆಂದು ಅಥವಾ YouTube ಅಥವಾ ನಮ್ಮ ಅಫಿಲಿಯೇಟ್‌ಗಳಿಗೆ ಕಾನೂನು ಹೊಣೆಗಾರಿಕೆಯನ್ನು ಅಪಾಯಕ್ಕೆ ತರುತ್ತದೆಂದು; (b) ತನಿಖೆ ಅಥವಾ ಸೇವೆಯ ಸಮಗ್ರತೆ ಅಥವಾ ಕಾರ್ಯಾಚರಣೆಯನ್ನು ತಪ್ಪುದಾರಿಗೆಳೆಯುತ್ತದೆಂದು; ಅಥವಾ (c) ಯಾವುದೇ ಬಳಕೆದಾರ, ಇತರ ಥರ್ಡ್ ಪಾರ್ಟಿ, YouTube ಅಥವಾ ನಮ್ಮ ಅಫಿಲಿಯೇಟ್‌ಗಳಿಗೆ ಹಾನಿಯನ್ನುಂಟುಮಾಡುತ್ತದೆಂದು ನಮಗೆ ಸಮಂಜಸವಾಗಿ ಅನಿಸಿದರೆ ನಿಮಗೆ ತಿಳಿಸುವುದಿಲ್ಲ. ನಮ್ಮ ಸಹಾಯ ಕೇಂದ್ರದ ದೋಷನಿವಾರಣೆ ಪುಟದಲ್ಲಿ ಮೇಲ್ಮನವಿ ಸಲ್ಲಿಸುವುದು ಹೇಗೆ ಎಂಬುದನ್ನೂ ಒಳಗೊಂಡಂತೆ, ವರದಿ ಮಾಡುವಿಕೆ ಮತ್ತು ಜಾರಿಗೊಳಿಸುವಿಕೆಯ ಕುರಿತು ನೀವು ಇನ್ನಷ್ಟು ತಿಳಿದುಕೊಳ್ಳಬಹುದು.

ಸಮುದಾಯ ಮಾರ್ಗಸೂಚಿಗಳ ಸ್ಟ್ರೈಕ್‌ಗಳು

YouTube ಸಮುದಾಯ ಮಾರ್ಗಸೂಚಿಗಳನ್ನು ಉಲ್ಲಂಘಿಸುವ ಕಂಟೆಂಟ್‌ಗೆ ಸಂಬಂಧಿಸಿದಂತೆ “ಸ್ಟ್ರೈಕ್‌ಗಳ” ಸಿಸ್ಟಂ ಅನ್ನು YouTube ನಿರ್ವಹಿಸುತ್ತದೆ. ಪ್ರತಿ ಸ್ಟ್ರೈಕ್ ವಿಭಿನ್ನ ನಿರ್ಬಂಧಗಳೊಂದಿಗೆ ಬರುತ್ತದೆ ಮತ್ತು YouTube ನಿಂದ ನಿಮ್ಮ ಚಾನಲ್ ಅನ್ನು ಶಾಶ್ವತವಾಗಿ ತೆಗೆದುಹಾಕಲು ಕಾರಣವಾಗಬಹುದು.  ಸ್ಟ್ರೈಕ್ ನಿಮ್ಮ ಚಾನಲ್ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ ಎಂಬುದರ ಸಂಪೂರ್ಣ ವಿವರಣೆಯು ಸಮುದಾಯ ಮಾರ್ಗಸೂಚಿಗಳ ಸ್ಟ್ರೈಕ್‌ಗಳ ಬೇಸಿಕ್ಸ್ ಪುಟದಲ್ಲಿ ಲಭ್ಯವಿದೆ. ತಪ್ಪಾಗಿ ಸ್ಟ್ರೈಕ್ ನೀಡಲಾಗಿದೆ ಎಂದು ನಿಮಗೆ ಅನಿಸಿದರೆ, ನೀವು ಇಲ್ಲಿ ಮೇಲ್ಮನವಿ ಸಲ್ಲಿಸಬಹುದು.

ಸ್ಟ್ರೈಕ್‌ನಿಂದಾಗಿ ನಿಮ್ಮ ಚಾನಲ್ ಅನ್ನು ನಿರ್ಬಂಧಿಸಿದ್ದರೆ, ಈ ನಿರ್ಬಂಧಗಳನ್ನು ತಪ್ಪಿಸಲು ನೀವು ಇನ್ನೊಂದು ಚಾನಲ್ ಅನ್ನು ಬಳಸಬಾರದು. ಈ ನಿಷೇಧದ ಉಲ್ಲಂಘನೆಯು ಈ ಒಪ್ಪಂದದ ಮುಖ್ಯ ಉಲ್ಲಂಘನೆಯಾಗುತ್ತದೆ ಮತ್ತು ನಿಮ್ಮ Google ಖಾತೆಯನ್ನು ಅಥವಾ ಸೇವೆಯ ಎಲ್ಲಾ ಅಥವಾ ಒಂದು ಭಾಗಕ್ಕೆ ನಿಮ್ಮ ಆ್ಯಕ್ಸೆಸ್ ಅನ್ನು ಕೊನೆಗೊಳಿಸುವ ಹಕ್ಕನ್ನು Google ಕಾಯ್ದಿರಿಸಿಕೊಂಡಿದೆ.

ಕೃತಿಸ್ವಾಮ್ಯ ರಕ್ಷಣೆ

ನಮ್ಮ YouTube ಕೃತಿಸ್ವಾಮ್ಯ ಕೇಂದ್ರದಲ್ಲಿ ಕೃತಿಸ್ವಾಮ್ಯ ಹೊಂದಿರುವವರು ತಮ್ಮ ಬೌದ್ಧಿಕ ಸ್ವತ್ತನ್ನು ಆನ್‌ಲೈನ್‌ನಲ್ಲಿ ನಿರ್ವಹಿಸುವುದಕ್ಕೆ ಸಹಾಯ ಮಾಡಲು ನಾವು ಮಾಹಿತಿಯನ್ನು ಒದಗಿಸುತ್ತೇವೆ. ಸೇವೆಯಲ್ಲಿ ನಿಮ್ಮ ಕೃತಿಸ್ವಾಮ್ಯವನ್ನು ಉಲ್ಲಂಘಿಸಲಾಗಿದೆ ಎಂದು ನಿಮಗೆ ಅನಿಸಿದರೆ, ನಮಗೆ ಸೂಚನೆಯನ್ನು ಕಳುಹಿಸಿ.

ನಮ್ಮ YouTube ಕೃತಿಸ್ವಾಮ್ಯ ಕೇಂದ್ರದಲ್ಲಿನ ಪ್ರಕ್ರಿಯೆಯ ಪ್ರಕಾರ ಆಪಾದಿತ ಕೃತಿಸ್ವಾಮ್ಯ ಉಲ್ಲಂಘನೆಯ ಸೂಚನೆಗಳಿಗೆ ನಾವು ಪ್ರತಿಕ್ರಿಯಿಸುತ್ತೇವೆ, ಅಲ್ಲಿ ನೀವು ಕೃತಿಸ್ವಾಮ್ಯ ಸ್ಟ್ರೈಕ್ ಅನ್ನು ಹೇಗೆ ಪರಿಹರಿಸಬೇಕು ಎಂಬುದರ ಕುರಿತು ಮಾಹಿತಿಯನ್ನು ಪಡೆಯಬಹುದು. YouTube ನ ನೀತಿಗಳು, ಸೂಕ್ತ ಸಂದರ್ಭಗಳಲ್ಲಿ, ಉಲ್ಲಂಘನೆಯನ್ನು ಪುನರಾವರ್ತಿಸುವವರು ಸೇವೆಗೆ ಹೊಂದಿರುವ ಆ್ಯಕ್ಸೆಸ್ ಅನ್ನು ಕೊನೆಗೊಳಿಸುತ್ತದೆ.

ಖಾತೆ ಅಮಾನತು ಮತ್ತು ಕೊನೆಗೊಳಿಸುವಿಕೆ

ನಿಮ್ಮಿಂದ ಕೊನೆಗೊಳಿಸುವಿಕೆಗಳು

ನೀವು ಯಾವಾಗ ಬೇಕಾದರೂ ಸೇವೆಯನ್ನು ಬಳಸುವುದನ್ನು ನಿಲ್ಲಿಸಬಹುದು. ನಿಮ್ಮ Google ಖಾತೆಯಿಂದ ಸೇವೆಯನ್ನು ಅಳಿಸಲು ಈ ಸೂಚನೆಗಳನ್ನು ಅನುಸರಿಸಿ, ಇದು ನಿಮ್ಮ YouTube ಚಾನಲ್ ಅನ್ನು ಮುಚ್ಚುವುದು ಮತ್ತು ನಿಮ್ಮ ಡೇಟಾವನ್ನು ತೆಗೆದುಹಾಕುವುದನ್ನು ಒಳಗೊಂಡಿರುತ್ತದೆ. ನಿಮ್ಮ ಡೇಟಾದ ನಕಲನ್ನು ಮೊದಲು ಡೌನ್‌ಲೋಡ್ ಮಾಡುವ ಆಯ್ಕೆಯನ್ನು ಸಹ ನೀವು ಹೊಂದಿದ್ದೀರಿ.

YouTube ನಿಂದ ಕೊನೆಗೊಳಿಸುವಿಕೆಗಳು ಮತ್ತು ಅಮಾನತುಗಳು

ಒಂದು ವೇಳೆ ನೀವು ಈ ಮುಂದಿನವುಗಳನ್ನು ಮಾಡಿದರೆ,  ನಿಮ್ಮ Google ಖಾತೆಯನ್ನು ಅಥವಾ ಸೇವೆಯ ಎಲ್ಲಾ ಅಥವಾ ಭಾಗಕ್ಕೆ ನಿಮ್ಮ ಆ್ಯಕ್ಸೆಸ್ ಅನ್ನು ಅಮಾನತುಗೊಳಿಸುವ ಅಥವಾ ಕೊನೆಗೊಳಿಸುವ ಹಕ್ಕನ್ನು YouTube ಕಾಯ್ದಿರಿಸಿದೆ: (a) ನೀವು ಈ ಒಪ್ಪಂದವನ್ನು ಭೌತಿಕವಾಗಿ ಅಥವಾ ಆಗಾಗ್ಗೆ ಉಲ್ಲಂಘಿಸಿದರೆ; (b) ಕಾನೂನು ಅವಶ್ಯಕತೆ ಅಥವಾ ನ್ಯಾಯಾಲಯದ ಆದೇಶವನ್ನು ಅನುಸರಿಸಲು ನಾವು ಹಾಗೆ ಮಾಡಬೇಕಾದರೆ; ಅಥವಾ (c) ಯಾವುದೇ ಬಳಕೆದಾರ, ಇತರ ಥರ್ಡ್ ಪಾರ್ಟಿ, YouTube ಅಥವಾ ನಮ್ಮ ಅಫಿಲಿಯೇಟ್‌ಗಳಿಗೆ ಹೊಣೆಗಾರಿಕೆ ಅಥವಾ ಹಾನಿಯನ್ನು ಸೃಷ್ಟಿಸುವ (ಅಥವಾ ರಚಿಸಬಹುದಾದ) ನಡವಳಿಕೆಯಿದೆ ಎಂದು ನಾವು ನಂಬುತ್ತೇವೆ.

ಕೊನೆಗೊಳಿಸುವಿಕೆ ಅಥವಾ ಅಮಾನತಿಗೆ ಸೂಚನೆ

YouTube ಇದನ್ನು ಯಾವ ಕಾರಣಕ್ಕಾಗಿ ಕೊನೆಗೊಳಿಸಿದೆ ಅಥವಾ ಅಮಾನತು ಮಾಡಿದೆ ಎಂಬುದನ್ನು ನಾವು ನಿಮಗೆ ತಿಳಿಸುತ್ತೇವೆ, ಆದರೆ ನಮಗೆ ಸಮಂಜಸವಾಗಿ ಈ ಕೆಳಗಿನ ರೀತಿ ಅನಿಸಿದರೆ ನಾವು ಅದನ್ನು ತಿಳಿಸುವುದಿಲ್ಲ: (a) ಕಾನೂನು ಅಥವಾ ಕಾನೂನು ಜಾರಿ ಪ್ರಾಧಿಕಾರದ ನಿರ್ದೇಶನವನ್ನು ಉಲ್ಲಂಘಿಸಿದರೆ; (b) ತನಿಖೆಯನ್ನು ತಪ್ಪುದಾರಿಗೆಳೆದರೆ; (c) ಸೇವೆಯ ಸಮಗ್ರತೆ, ಕಾರ್ಯಾಚರಣೆ ಅಥವಾ ಭದ್ರತೆಗೆ ಧಕ್ಕೆ ತರುವುದಾದರೆ; ಅಥವಾ (d) ಯಾವುದೇ ಬಳಕೆದಾರ, ಇತರ ಥರ್ಡ್ ಪಾರ್ಟಿ, YouTube ಅಥವಾ ನಮ್ಮ ಅಫಿಲಿಯೇಟ್‌ಗಳಿಗೆ ಹಾನಿಯನ್ನುಂಟುಮಾಡುತ್ತದೆ ಎಂದಾದರೆ. ಸೇವೆಯ ಬದಲಾವಣೆಗಳಿಗೆ ಸಂಬಂಧಿಸಿದ ನಿಮ್ಮ ಬಳಕೆಯನ್ನು YouTube ಕೊನೆಗೊಳಿಸುತ್ತಿರುವಲ್ಲಿ, ಸಮಂಜಸವಾಗಿ ಸಾಧ್ಯವಿರುವ ಮಟ್ಟಿಗೆ, ಸೇವೆಯಿಂದ ನಿಮ್ಮ ಕಂಟೆಂಟ್ ಅನ್ನು ಎಕ್ಸ್‌ಪೋರ್ಟ್ ಮಾಡಲು ನಿಮಗೆ ಸಾಕಷ್ಟು ಸಮಯವನ್ನು ಒದಗಿಸಲಾಗುತ್ತದೆ.

ಖಾತೆಯ ಅಮಾನತು ಅಥವಾ ಕೊನೆಗೊಳಿಸುವಿಕೆಯ ಪರಿಣಾಮ

ನಿಮ್ಮ Google ಖಾತೆಯನ್ನು ಕೊನೆಗೊಳಿಸಿದರೆ ಅಥವಾ ಸೇವೆಗೆ ನಿಮ್ಮ ಆ್ಯಕ್ಸೆಸ್ ಅನ್ನು ನಿರ್ಬಂಧಿಸಿದರೆ, ನೀವು ಖಾತೆಯಿಲ್ಲದೆ ಸೇವೆಯ ಕೆಲವು ಅಂಶಗಳನ್ನು (ವೀಕ್ಷಣೆ ಮಾತ್ರ) ಬಳಸುವುದನ್ನು ಮುಂದುವರಿಸಬಹುದು ಮತ್ತು ಈ ಒಪ್ಪಂದವು ಅಂತಹ ಬಳಕೆಗೆ ಅನ್ವಯಿಸುವುದನ್ನು ಮುಂದುವರಿಸುತ್ತದೆ. ನಿಮ್ಮ Google ಖಾತೆಯ ಕೊನೆಗೊಳಿಸುವಿಕೆಯನ್ನು ಅಥವಾ ಅಮಾನತನ್ನು ತಪ್ಪಾಗಿ ಮಾಡಲಾಗಿದೆ ಎಂದು ನಿಮಗೆ ಅನಿಸಿದರೆ, ನೀವು ಈ ಫಾರ್ಮ್ ಅನ್ನು ಬಳಸಿಕೊಂಡು ಮೇಲ್ಮನವಿ ಸಲ್ಲಿಸಬಹುದು.

ಸೇವೆಯಲ್ಲಿನ ಸಾಫ್ಟ್‌ವೇರ್ ಕುರಿತು

ಡೌನ್‌ಲೋಡ್ ಮಾಡಬಹುದಾದ ಸಾಫ್ಟ್‌ವೇರ್

ಸೇವೆಗೆ ಡೌನ್‌ಲೋಡ್ ಮಾಡಬಹುದಾದ ಸಾಫ್ಟ್‌ವೇರ್ (YouTube Studio ಆ್ಯಪ್‌ನಂತಹ) ಅಗತ್ಯವಿದ್ದಾಗ ಅಥವಾ ಒಳಗೊಂಡಿರುವಾಗ, ಆ ಸಾಫ್ಟ್‌ವೇರ್ ಪರವಾನಗಿಯನ್ನು ಒದಗಿಸುವ ಹೆಚ್ಚುವರಿ ನಿಯಮಗಳಿಂದ ನಿಯಂತ್ರಿಸಲ್ಪಡದ ಹೊರತು, YouTube ನಿಮಗೆ ವೈಯಕ್ತಿಕ, ವಿಶ್ವದಾದ್ಯಂತ, ರಾಯಲ್ಟಿ-ಫ್ರೀ, ನಿಯೋಜಿಸಲಾಗದ ಮತ್ತು ವಿಶೇಷವಲ್ಲದ ಪರವಾನಗಿಯನ್ನು ಸೇವೆಯ ಭಾಗವಾಗಿ YouTube ನಿಂದ ನಿಮಗೆ ಒದಗಿಸಲಾದ ಸಾಫ್ಟ್‌ವೇರ್ ಅನ್ನು ಬಳಸಲು ನೀಡುತ್ತದೆ. ಈ ಒಪ್ಪಂದದ ಮೂಲಕ ಅನುಮತಿಸಲಾದ ರೀತಿಯಲ್ಲಿ YouTube ಒದಗಿಸಿದಂತೆ ಸೇವೆಯ ಪ್ರಯೋಜನವನ್ನು ಬಳಸಲು ಮತ್ತು ಆನಂದಿಸಲು ನಿಮಗೆ ಅನುವು ಮಾಡಿಕೊಡುವ ಏಕೈಕ ಉದ್ದೇಶಕ್ಕಾಗಿ ಈ ಪರವಾನಗಿಯಾಗಿದೆ. ನೀವು YouTube ನ ಲಿಖಿತ ಅನುಮತಿಯನ್ನು ಹೊಂದಿರದ ಹೊರತು ಸಾಫ್ಟ್‌ವೇರ್‌ನ ಯಾವುದೇ ಭಾಗವನ್ನು ನಕಲಿಸಲು, ಮಾರ್ಪಡಿಸಲು, ವಿತರಿಸಲು, ಮಾರಾಟ ಮಾಡಲು ಅಥವಾ ಉಪಪರವಾನಗಿ ನೀಡಲು ಅಥವಾ ಆ ಸಾಫ್ಟ್‌ವೇರ್‌ನ ಮೂಲ ಕೋಡ್ ಅನ್ನು ಹೊರತೆಗೆಯಲು ಪ್ರಯತ್ನಿಸಲು ನಿಮಗೆ ಅನುಮತಿಸಲಾಗುವುದಿಲ್ಲ.

ಓಪನ್ ಸೋರ್ಸ್

ನಮ್ಮ ಸೇವೆಯಲ್ಲಿ ಬಳಸಲಾದ ಕೆಲವು ಸಾಫ್ಟ್‌ವೇರ್‌ಗಳನ್ನು ನಾವು ನಿಮಗೆ ಒದಗಿಸುವ ಓಪನ್ ಸೋರ್ಸ್, ರಾಯಲ್ಟಿ-ಫ್ರೀ ಲೈಸೆನ್ಸ್ ಅಡಿಯಲ್ಲಿ ನೀಡಬಹುದು. ಈ ಕೆಲವು ನಿಯಮಗಳನ್ನು ಸ್ಪಷ್ಟವಾಗಿ ಅತಿಕ್ರಮಿಸುವ ಓಪನ್ ಸೋರ್ಸ್ ಲೈಸೆನ್ಸ್‌ನಲ್ಲಿ ನಿಬಂಧನೆಗಳು ಇರಬಹುದು, ಆದ್ದರಿಂದ ಆ ಪರವಾನಗಿಗಳನ್ನು ಓದಲು ಮರೆಯದಿರಿ.  

ಇತರ ಕಾನೂನು ನಿಯಮಗಳು

ವಾರೆಂಟಿ ಹಕ್ಕುನಿರಾಕರಣೆ

ಈ ಒಪ್ಪಂದದಲ್ಲಿ ಸ್ಪಷ್ಟವಾಗಿ ಹೇಳಿರುವ ಅಥವಾ ಕಾನೂನಿನ ಅಗತ್ಯವಿರುವಂತೆ, ಸೇವೆಯನ್ನು “ಇರುವಂತೆ” ಒದಗಿಸಲಾಗಿದೆ ಮತ್ತು ಸೇವೆಯ ಕುರಿತು YouTube ಯಾವುದೇ ನಿರ್ದಿಷ್ಟ ಬದ್ಧತೆಗಳನ್ನು ಅಥವಾ ಒಪ್ಪಂದಗಳನ್ನು ಮಾಡುವುದಿಲ್ಲ. ಉದಾಹರಣೆಗೆ, ನಾವು ಇದರ ಬಗ್ಗೆ ಯಾವುದೇ ಒಪ್ಪಂದಗಳನ್ನು ಮಾಡುವುದಿಲ್ಲ: (A) ಸೇವೆಯ ಮೂಲಕ ಒದಗಿಸಲಾದ ಕಂಟೆಂಟ್; (B) ಸೇವೆಯ ನಿರ್ದಿಷ್ಟ ಫೀಚರ್‌ಗಳು, ಅಥವಾ ಅದರ ನಿಖರತೆ, ವಿಶ್ವಾಸಾರ್ಹತೆ, ಲಭ್ಯತೆ, ಅಥವಾ ನಿಮ್ಮ ಅಗತ್ಯತೆಗಳನ್ನು ಪೂರೈಸುವ ಸಾಮರ್ಥ್ಯ; ಅಥವಾ (C) ನೀವು ಸಲ್ಲಿಸುವ ಯಾವುದೇ ಕಂಟೆಂಟ್ ಸೇವೆಯಲ್ಲಿ ಆ್ಯಕ್ಸೆಸ್ ಮಾಡಬಹುದು.

ಬಾಧ್ಯತೆಯ ಪರಿಮಿತಿ

ಅನ್ವಯವಾಗುವ ಕಾನೂನಿನ ಪ್ರಕಾರ ಅಗತ್ಯವಿರುವ ಸಂದರ್ಭಗಳನ್ನು ಹೊರತುಪಡಿಸಿ, ಲಾಭಗಳು, ಆದಾಯಗಳು, ವ್ಯಾಪಾರ ಅವಕಾಶಗಳು, ಸದ್ಭಾವನೆ ಅಥವಾ ನಿರೀಕ್ಷಿತ ಉಳಿತಾಯದ ಯಾವುದೇ ನಷ್ಟ; ಡೇಟಾದ ನಷ್ಟ ಅಥವಾ ಭ್ರಷ್ಟಾಚಾರ; ಪರೋಕ್ಷ ಅಥವಾ ಅನುಕ್ರಮ ನಷ್ಟ; ಈ ಕೆಳಗಿನವುಗಳಿಂದ ಉಂಟಾದ ದಂಡನಾತ್ಮಕ ಹಾನಿಗಳಿಗೆ YOUTUBE, ಅದರ ಅಫಿಲಿಯೇಟ್‌ಗಳು, ಅಧಿಕಾರಿಗಳು, ನಿರ್ದೇಶಕರು, ಉದ್ಯೋಗಿಗಳು ಮತ್ತು ಏಜೆಂಟ್‌ಗಳು ಜವಾಬ್ದಾರರಾಗಿರುವುದಿಲ್ಲ:

1. ಸೇವೆಯಲ್ಲಿನ ದೋಷಗಳು, ತಪ್ಪುಗಳು ಅಥವಾ ಅಸಮರ್ಪಕತೆಗಳು;
2. ಸೇವೆಯ ನಿಮ್ಮ ಬಳಕೆಯಿಂದ ಉಂಟಾಗುವ ವೈಯಕ್ತಿಕ ಗಾಯ ಅಥವಾ ಆಸ್ತಿ ಹಾನಿ;
3. ಸೇವೆಯ ಯಾವುದೇ ಅನಧಿಕೃತ ಬಳಕೆ;
4. ಸೇವೆಯ ಯಾವುದೇ ಅಡಚಣೆ ಅಥವಾ ನಿಲುಗಡೆ;
5. ಯಾವುದೇ ಥರ್ಡ್ ಪಾರ್ಟಿಯಿಂದ ಯಾವುದೇ ವೈರಸ್‌ಗಳು ಅಥವಾ ದುರುದ್ದೇಶಪೂರಿತ ಕೋಡ್ ಅನ್ನು ಸೇವೆಗೆ ಅಥವಾ ಸೇವೆಯ ಮೂಲಕ ರವಾನಿಸಿರುವುದು;
6. ನಿಮ್ಮ ಬಳಕೆಯನ್ನು ಒಳಗೊಂಡಂತೆ ಬಳಕೆದಾರರು ಅಥವಾ YOUTUBE ನಿಂದ ಸಲ್ಲಿಸಲಾದ ಯಾವುದೇ ಕಂಟೆಂಟ್; ಮತ್ತು/ಅಥವಾ
7. ಯಾವುದೇ ಕಂಟೆಂಟ್‌ನ ತೆಗೆಯುವಿಕೆ ಅಥವಾ ಅಲಭ್ಯತೆ.

ಪ್ರತಿಪಾದಿಸಲಾದ ಕ್ಲೈಮ್ ವಾರೆಂಟಿ, ಒಪ್ಪಂದ, ಟಾರ್ಟ್ ಅಥವಾ ಯಾವುದೇ ಇತರ ಕಾನೂನು ಸಿದ್ಧಾಂತವನ್ನು ಆಧರಿಸಿದೆಯೇ ಎಂಬುದನ್ನು ಲೆಕ್ಕಿಸದೆ, ಈ ನಿಬಂಧನೆಯು ಯಾವುದೇ ಕ್ಲೈಮ್‌ಗೆ ಅನ್ವಯಿಸುತ್ತದೆ.

ಅನ್ವಯವಾಗುವ ಕಾನೂನಿನ ಮೂಲಕ ಅನುಮತಿಸಲಾದ ಮಟ್ಟಿಗೆ, ಸೇವೆಯಿಂದ ಉದ್ಭವಿಸುವ ಅಥವಾ ಸಂಬಂಧಿಸಿದ ಯಾವುದೇ ಕ್ಲೈಮ್‌ಗಳಿಗೆ YOUTUBE ಮತ್ತು ಅದರ ಅಫಿಲಿಯೇಟ್‌ಗಳ ಒಟ್ಟು ಬಾಧ್ಯತೆಯು ಇವುಗಳಲ್ಲಿ ಯಾವುದು ಹೆಚ್ಚೋ ಅದಾಗಿರುತ್ತದೆ: (A) ಕ್ಲೈಮ್‌ನ ಕುರಿತು YOUTUBE ಗೆ ಬರೆದಿರುವುದಕ್ಕೆ ಸಂಬಂಧಿಸಿದ ನಿಮ್ಮ ಸೂಚನೆಯ ದಿನಾಂಕಕ್ಕೂ ಮೊದಲು 12 ತಿಂಗಳುಗಳಲ್ಲಿ ಸೇವೆಯ ನಿಮ್ಮ ಬಳಕೆಯಿಂದ YOUTUBE ನಿಮಗೆ ಪಾವತಿಸಿದ ಆದಾಯದ ಮೊತ್ತ ಮತ್ತು (B) USD $500, ಯಾವುದು ಹೆಚ್ಚಿದೆಯೋ ಅದು.

ನಷ್ಟ ಪರಿಹಾರ

ಅನ್ವಯವಾಗುವ ಕಾನೂನಿನ ಮೂಲಕ ಅನುಮತಿಸಲಾದ ಮಟ್ಟಿಗೆ, ಈ ಮುಂದಿನವುಗಳಿಂದ ಎದುರಾಗುವ ಯಾವುದೇ ಮತ್ತು ಎಲ್ಲಾ ಕ್ಲೈಮ್‌ಗಳು, ಹಾನಿಗಳು, ಬಾಧ್ಯತೆಗಳು, ನಷ್ಟಗಳು, ಹೊಣೆಗಾರಿಕೆಗಳು, ವೆಚ್ಚಗಳು ಅಥವಾ ಸಾಲ ಮತ್ತು ಖರ್ಚುಗಳಿಗೆ (ಅಟಾರ್ನಿ ಶುಲ್ಕಗಳನ್ನು ಒಳಗೊಂಡಂತೆ ಆದರೆ ಸೀಮಿತವಾಗಿಲ್ಲ) ಸಂಬಂಧಿಸಿದಂತೆ YouTube, ಅದರ ಅಫಿಲಿಯೇಟ್‌ಗಳು, ಅಧಿಕಾರಿಗಳು, ನಿರ್ದೇಶಕರು, ಉದ್ಯೋಗಿಗಳು ಮತ್ತು ಏಜೆಂಟ್‌ಗಳನ್ನು ರಕ್ಷಿಸಲು, ಪರಿಹಾರ ನೀಡಲು ಮತ್ತು ನಷ್ಟವಾಗದಂತೆ ತಡೆಹಿಡಿಯಲು ನೀವು ಒಪ್ಪುತ್ತೀರಿ: (i) ಸೇವೆಯ ನಿಮ್ಮ ಬಳಕೆ ; (ii) ಈ ಸೇವಾ ನಿಯಮಗಳ ಯಾವುದೇ ನಿಯಮಗಳ ನಿಮ್ಮ ಉಲ್ಲಂಘನೆ; (iii) ಯಾವುದೇ ಹಕ್ಕುಸ್ವಾಮ್ಯ, ಆಸ್ತಿ ಅಥವಾ ಗೌಪ್ಯತೆಯ ಹಕ್ಕನ್ನು ಮಿತಿಯಿಲ್ಲದೆ ಒಳಗೊಂಡಂತೆ ಯಾವುದೇ ಥರ್ಡ್ ಪಾರ್ಟಿ ಹಕ್ಕುಗಳ ನಿಮ್ಮ ಉಲ್ಲಂಘನೆ; ಅಥವಾ (iv) ಥರ್ಡ್ ಪಾರ್ಟಿಗೆ ಹಾನಿಯನ್ನುಂಟುಮಾಡಿದ ನಿಮ್ಮ ಕಂಟೆಂಟ್‌ನ ಯಾವುದೇ ಕ್ಲೈಮ್. ಈ ರಕ್ಷಣಾ ಮತ್ತು ನಷ್ಟ ಪರಿಹಾರದ ಬಾಧ್ಯತೆಯು ಈ ಒಪ್ಪಂದ ಮತ್ತು ಸೇವೆಯ ನಿಮ್ಮ ಬಳಕೆಯಿಂದ ಉಳಿದುಕೊಳ್ಳುತ್ತದೆ.

ಥರ್ಡ್ ಪಾರ್ಟಿ ಲಿಂಕ್‌ಗಳು

ಸೇವೆಯು YouTube ನ ಮಾಲೀಕತ್ವ ಹೊಂದಿರದ ಅಥವಾ ನಿಯಂತ್ರಿಸದ ಥರ್ಡ್ ಪಾರ್ಟಿ ವೆಬ್‌ಸೈಟ್‌ಗಳು ಮತ್ತು ಆನ್‌ಲೈನ್ ಸೇವೆಗಳಿಗೆ ಲಿಂಕ್‌ಗಳನ್ನು ಒಳಗೊಂಡಿರಬಹುದು. ಅಂತಹ ವೆಬ್‌ಸೈಟ್‌ಗಳು ಮತ್ತು ಆನ್‌ಲೈನ್ ಸೇವೆಗಳ ಮೇಲೆ YouTube ಯಾವುದೇ ನಿಯಂತ್ರಣವನ್ನು ಹೊಂದಿಲ್ಲ ಮತ್ತು ಯಾವುದೇ ಜವಾಬ್ದಾರಿಯನ್ನು ತೆಗೆದುಕೊಳ್ಳುವುದಿಲ್ಲ. ನೀವು ಸೇವೆಯನ್ನು ತೊರೆದಾಗ ತಿಳಿದಿರಲಿ; ನೀವು ಭೇಟಿ ನೀಡುವ ಪ್ರತಿ ಥರ್ಡ್ ಪಾರ್ಟಿಯ ವೆಬ್‌ಸೈಟ್ ಮತ್ತು ಆನ್‌ಲೈನ್ ಸೇವೆಯ ನಿಯಮಗಳು ಮತ್ತು ಗೌಪ್ಯತೆ ನೀತಿಯನ್ನು ಓದುವಂತೆ ನಾವು ನಿಮಗೆ ಸಲಹೆ ನೀಡುತ್ತೇವೆ.

ಈ ಒಪ್ಪಂದದ ಕುರಿತು

ಈ ಒಪ್ಪಂದವನ್ನು ಬದಲಾಯಿಸುವುದು

ನಾವು ಈ ಒಪ್ಪಂದವನ್ನು ಬದಲಾಯಿಸಬಹುದು, (1) ನಮ್ಮ ಸೇವೆಯಲ್ಲಿನ ಬದಲಾವಣೆಗಳನ್ನು ಅಥವಾ ನಾವು ಹೇಗೆ ವ್ಯಾಪಾರ ಮಾಡುತ್ತೇವೆ ಎಂಬುದನ್ನು ಪ್ರತಿಬಿಂಬಿಸಲು - ಉದಾಹರಣೆಗೆ, ನಾವು ಹೊಸ ಉತ್ಪನ್ನಗಳು ಅಥವಾ ಫೀಚರ್‌ಗಳನ್ನು ಸೇರಿಸಿದಾಗ ಅಥವಾ ಹಳೆಯದನ್ನು ತೆಗೆದುಹಾಕಿದಾಗ, (2) ಕಾನೂನು, ರೆಗ್ಯುಲೇಟರಿ ಅಥವಾ ಭದ್ರತಾ ಕಾರಣಗಳಿಗಾಗಿ , ಅಥವಾ (3) ನಿಂದನೆ ಅಥವಾ ಹಾನಿಯನ್ನು ತಡೆಗಟ್ಟಲು .

ನಾವು ಈ ಒಪ್ಪಂದವನ್ನು ಭೌತಿಕವಾಗಿ ಬದಲಾಯಿಸಿದರೆ, ನಾವು ನಿಮಗೆ ಸಮಂಜಸವಾದ ಮುಂಗಡ ಸೂಚನೆ ಮತ್ತು ಬದಲಾವಣೆಗಳನ್ನು ಪರಿಶೀಲಿಸುವ ಅವಕಾಶವನ್ನು ಒದಗಿಸುತ್ತೇವೆ, ಇವುಗಳನ್ನು ಹೊರತುಪಡಿಸಿದೆ (1) ನಾವು ಹೊಸ ಉತ್ಪನ್ನ ಅಥವಾ ಫೀಚರ್ ಅನ್ನು ಪ್ರಾರಂಭಿಸಿದಾಗ ಅಥವಾ (2) ನಡೆಯುತ್ತಿರುವ ದುರುಪಯೋಗವನ್ನು ತಡೆಗಟ್ಟುವುದು ಅಥವಾ ಕಾನೂನು ಅವಶ್ಯಕತೆಗಳಿಗೆ ಪ್ರತಿಕ್ರಿಯಿಸುವಂತಹ ತುರ್ತು ಸಂದರ್ಭಗಳನ್ನು ಹೊರತುಪಡಿಸಿದೆ. ನೀವು ಹೊಸ ನಿಯಮಗಳನ್ನು ಒಪ್ಪದಿದ್ದರೆ, ನೀವು ಅಪ್‌ಲೋಡ್ ಮಾಡಿದ ಯಾವುದೇ ಕಂಟೆಂಟ್ ಅನ್ನು ತೆಗೆದುಹಾಕಬೇಕು ಮತ್ತು ಸೇವೆಯನ್ನು ಬಳಸುವುದನ್ನು ನಿಲ್ಲಿಸಬೇಕು.

ಈ ಒಪ್ಪಂದದ ಮುಂದುವರಿಕೆ

ನಿಮ್ಮ ಸೇವೆಯ ಬಳಕೆಯು ಕೊನೆಗೊಂಡರೆ, ಈ ಒಪ್ಪಂದದ ಕೆಳಗಿನ ನಿಯಮಗಳು ನಿಮಗೆ ಅನ್ವಯಿಸುವುದನ್ನು ಮುಂದುವರಿಸುತ್ತವೆ: “ಇತರ ಕಾನೂನು ನಿಯಮಗಳು”, “ಈ ಒಪ್ಪಂದದ ಕುರಿತು”, ಮತ್ತು ನೀವು ನೀಡಿದ ಪರವಾನಗಿಗಳು “ಪರವಾನಗಿ ಅವಧಿ” ಅಡಿಯಲ್ಲಿ ವಿವರಿಸಿದಂತೆ ಮುಂದುವರಿಯುತ್ತದೆ.

ಪ್ರತ್ಯೇಕತೆ

ಯಾವುದೇ ಕಾರಣಕ್ಕಾಗಿ ಈ ಒಪ್ಪಂದದ ನಿರ್ದಿಷ್ಟ ನಿಯಮವನ್ನು ಜಾರಿಗೊಳಿಸಲಾಗುವುದಿಲ್ಲ ಎಂದಾದರೆ, ಇದು ಯಾವುದೇ ಇತರ ನಿಯಮಗಳ ಮೇಲೆ ಪರಿಣಾಮ ಬೀರುವುದಿಲ್ಲ.

ಯಾವುದೇ ಮನ್ನಾ ಮಾಡುವಿಕೆ ಇಲ್ಲ

ನೀವು ಈ ಒಪ್ಪಂದವನ್ನು ಅನುಸರಿಸಲು ವಿಫಲವಾದರೆ ಮತ್ತು ನಾವು ತಕ್ಷಣದ ಕ್ರಮವನ್ನು ತೆಗೆದುಕೊಳ್ಳದಿದ್ದರೆ, ನಾವು ಹೊಂದಿರುವ ಯಾವುದೇ ಹಕ್ಕುಗಳನ್ನು ನಾವು ಬಿಟ್ಟುಕೊಡುತ್ತಿದ್ದೇವೆ ಎಂದು ಇದರ ಅರ್ಥವಲ್ಲ (ಉದಾಹರಣೆಗೆ ಭವಿಷ್ಯದಲ್ಲಿ ಕ್ರಮ ತೆಗೆದುಕೊಳ್ಳುವ ಹಕ್ಕು).

ವ್ಯಾಖ್ಯಾನ

ಈ ಪದಗಳಲ್ಲಿ, “ಒಳಗೊಂಡಿದೆ” ಅಥವಾ “ಒಳಗೊಂಡಂತೆ” ಎಂದರೆ “ಇವುಗಳನ್ನು ಒಳಗೊಂಡಿದೆ, ಆದರೆ ಕೇವಲ ಇವುಗಳಿಗೆ ಸೀಮಿತವಾಗಿಲ್ಲ” ಮತ್ತು ನಾವು ನೀಡುವ ಯಾವುದೇ ಉದಾಹರಣೆಗಳು ವಿವರಣಾತ್ಮಕ ಉದ್ದೇಶಗಳಿಗಾಗಿವೆ.

ಆಡಳಿತಾತ್ಮಕ ಕಾನೂನು

ಕಾನೂನು ನಿಯಮಗಳ ಸಂಘರ್ಷವನ್ನು ಲೆಕ್ಕಿಸದೆಯೇ ಈ ನಿಯಮಗಳು ಅಥವಾ ಸೇವೆಯಿಂದ ಉಂಟಾಗುವ ಅಥವಾ ಸಂಬಂಧಿಸಿದ   ಎಲ್ಲಾ ವಿವಾದಗಳನ್ನು ಕ್ಯಾಲಿಫೋರ್ನಿಯಾ ಕಾನೂನು ನಿಯಂತ್ರಿಸುತ್ತದೆ. ಈ ವಿವಾದಗಳನ್ನು USA ಯ ಕ್ಯಾಲಿಫೋರ್ನಿಯಾದಲ್ಲಿರುವ ಸಾಂಟಾ ಕ್ಲಾರಾ ಕೌಂಟಿಯ ಫೆಡರಲ್ ಅಥವಾ ರಾಜ್ಯ ನ್ಯಾಯಾಲಯಗಳಲ್ಲಿ ಪ್ರತ್ಯೇಕವಾಗಿ  ಪರಿಹರಿಸಲಾಗುತ್ತದೆ, ಮತ್ತು ನೀವು ಮತ್ತು YouTube ಆ ನ್ಯಾಯಾಲಯಗಳಲ್ಲಿನ ವೈಯಕ್ತಿಕ ನ್ಯಾಯವ್ಯಾಪ್ತಿಗೆ ಸಮ್ಮತಿಸುತ್ತೀರಿ.

ಅನ್ವಯವಾಗುವ ಸ್ಥಳೀಯ ಕಾನೂನು ಈ ವಿವಾದಗಳು ಕ್ಯಾಲಿಫೋರ್ನಿಯಾ ನ್ಯಾಯಾಲಯದಲ್ಲಿ ಪರಿಹಾರವಾಗದಂತೆ ತಡೆದರೆ, ನಂತರ ನೀವು ಈ ವಿವಾದಗಳನ್ನು ನಿಮ್ಮ ಸ್ಥಳೀಯ ನ್ಯಾಯಾಲಯಗಳಲ್ಲಿ ಸಲ್ಲಿಸಬಹುದು. ಹಾಗೆಯೇ, ಈ ವಿವಾದಗಳನ್ನು ಪರಿಹರಿಸಲು ಕ್ಯಾಲಿಫೋರ್ನಿಯಾ ಕಾನೂನನ್ನು ಅನ್ವಯಿಸದಂತೆ ಅನ್ವಯವಾಗುವ ಸ್ಥಳೀಯ ಕಾನೂನು ನಿಮ್ಮ ಸ್ಥಳೀಯ ನ್ಯಾಯಾಲಯವನ್ನು ತಡೆಯುತ್ತಿದ್ದರೆ, ಈ ವಿವಾದಗಳನ್ನು ನೀವು ವಾಸಿಸುವ ದೇಶದ ಕಾನೂನುಗಳಿಂದ ನಿಯಂತ್ರಿಸಲಾಗುತ್ತದೆ.

ಜನವರಿ 5, 2022 ರಿಂದ ಜಾರಿಗೆ ಬರಲಿವೆ (ಹಿಂದಿನ ಆವೃತ್ತಿಯನ್ನು ವೀಕ್ಷಿಸಿ)